أرض الغجر

عام جديد لى

2010-12-21T10:13:00.009+02:00

ربما آن الأوان للعودة .. آن أوان الكتابة أخيرا .. اعتقد .. لا بل ببساطة وبلا اعتقادات صارت المدونة صغيرة على وصرت كبيرة عليها , فلم تعد تحتويني ولم يعد ماضي ما تحتويه هي .

تغيرت الأماكن ولم اعد اجلس في الغرفة المظلمة أنصت لعزف كمان يزيدني ظمئا ,

ولم تعد العازفة تحكى قصتي بأكملها ولم اعد ابحث عن سر مدفون في البحر من نافذتي الصغيرة في انتظار أميرة جنية لأحظى برؤية لحظة التحول ..

وأيضا لم ارقص على الرمال تحت الشمس للحاقي بمشهد السحر صرت فقط امرأة عادية تنتظر معجزتها الصغيرة .

لا اعرف بالضبط كم عمري هل بالعمر الذي عشته , أم الذي عاشنى أم مجموعهما أم اطرح منه الذي لم أعشه !!

وضحك منى السيد الكبير حين قلت يملكني من العمر ربع قرن لكنى وقتها أردت اختزال تنأنأت قرن غريب وعمر اغرب لن أعيش سواهما .

حتى قلمي الرصاص الأزرق الذي املكه واستبدله بنفس النوع واللون منذ سنوات لم يعد ناعم على الأوراق كما كان ..

على أن اذهب لأختار حبرا يناسب نضجي لكنى لا اعلم إن كانت كلماتي التي تخرج ألان صدئة قليلا وثقيلة كثيرا ستتغير

أم ستظل غرزه التريكو التي بدأتها كما هى ..

في الواقع ادخل عامي الجديد لا اعرف شيئا ..

صفحة بيضاء من جديد وكأني أعود لعامي الواحد والعشرين

اخرج من شرنقة العمر القديم لأصير فراشة تبحث عن أجمل الأشياء ولكنى هذه المرة سأبحث عنها بالقرب منى

وليس خلف البحور السبع ..

لأن أجمل الأشياء بحياتنا لا يجب أن تكون أسطورة

ولا يجب أن تكون حلماً حتى ولو كان حلما من السحر فالأساطير لا يمتلكها احد والسحر لا يُستدعى .

ولكنها فقط حياتنا التي نملك ملئها بما نريد

وأجمل الأشياء ليس كما قال سندباد لغولة الدهور في سؤال دام ألف ألف عام هي الإنسان

ولكن أجمل الأشياء هي جزيئات من كل شئ من الإنسان والألم والسعادة ,

جزء من الصداقة والحب والأمل وحتى الحزن والكآبة ..

هذه الجزيئات التي تشكلنا جميعا كبشر هي أجمل الأشياء ..

وكأن في النهاية لا وجود لشئ واحد .. لكنها الحياة ككل .

لذا عيد ميلاد سعيد لي و كل عام ونحن بخير وكجزئ أخر , وانتم جميعا بخير أيضا والعام القادم يكون ملئ بالأشياء والجزيئات والمعجزات الجميلة لنا جميعا .

وأكون قد حصلت على مساحة تتسع لي .

نضج

2009-09-23T12:39:00.003+02:00

تتعلم ان تنضج .. تخضع لكل الاشياء وتنضج .. قاومت حتى حين ماتت الطفلة بداخلها لكنها الان تنضج .. ظنت انها حين يحدث هذا الامر ستدفن احلامها الجنونية بعيدا وتضع شاهد قبر يقول " هنا ترقد احلام جنونية لامرآة كانت مجنونة " لكنها فوجئت حين وجدتها فقط ترحل عنها .. تستسلم .. لم تتشبث بها مثلما تشبثت هى بها حتى الموت ..

تتعلم ان زرع الحياة بافريقيا يلزمه اكثر من موافقة والديها والرحلة حول العالم ليست بالسهولة التى تخيلتها , و تأكدت بالطريقة الصعبة ان الافعال اكبر من كل الكلمات ففقدت حتى رغبة الكتابة ودافع المواجهة و ان جيفارا الذى تبحث عنه لن يصبح سوى للعالم نبراسا , والفكرة الانسانية العظمى لن تربحها نوبل ابدا , والعالم سيظل يحارب نبض الارض .. هذا هو العالم .. وهذا مصير الارض..

فوجدت حضن دافئ بعيدا عن كل النظريات وعواصف الاحداث يحويها ليكون جيفارا خاصتها فقط .

***
وقفت تتسائل امام البحر الهائج .. هل سيسامحها ربه على كل التيه بداخلها ..ان تقف وتنضج .. تنساها الاحلام فتنساها !

وانا افقد متع الكلمة .. ألقى بقلمى وبأوراقى , وانضج معها ..

شهيق وزفير ..

2009-05-09T23:33:00.003+03:00

مازلت حية لم امت .. منذ 8/2008 وانا مازلت حية ..

غريب ان ابحثعنى واجدنى .. هنا ربما منذ ذاك الشهر دكت جبال وقامت اخرى .. وكما يقول كونغشيوس كما اذكر .. انت لا تنزل البحر مرتين .. ام ربما كان ارسطو..

لى عودة ..

فقط شعرت شغف بالرغبة فى التنفس

كل انسان ..

2008-08-27T12:07:00.005+03:00

كل إنسان تعيس أو فرحان .. أكيد فيه حكاية وهو بطلها
كل مدينة وكل عنوان .. فيه 100 حكاية بتبتدي وتخلص

إنهاردة راجعلكم بقصة جديدة .. إنسانة جميلة وعادية وعنيدة
عندها إخوات بس من جواها وحيدة .. عندها أحلام بس شايفاها بعيدة

أول واحدة صاحبتها .. كات هي عجلتها
بترسملها طريقها .. وبتفرغ فيها طاقتها
وبتتكلم معاها .. وبتسلها فـ وحدتها
هي الشيء الوحيد ..
الى إداها حـــ ـــر يـــــ ــتـــــها

وفاتت سنين كتيرة .. وبقت الطفلة بنت كبيرة
وراحت العجلة والضفيرة .. وحلم حياتها تكون أميرة
بتدور ع السعادة .. وعايشة علشان صحابها
ولما سابها فـ يوم حبيبها .. قالت الدنيا دي نفسي أسيبها

كل إنسان تعيس أو فرحان .. أكيد فيه حكاية وهو بطلها
كل مدينة وكل عنوان .. فيه 100 حكاية بتبتدي وتخلص
كل إنسان تعيس أو فرحان .. أكيد فيه حكاية وهو بطلها
كل مدينة وكل عنوان .. فيه 100 حكاية بتبتدي وتخلص

من كتر ما شفت .. قعدت وألفت
وعمري ما حرّفت .. في كلمة و زيّفت
أحلامي كات كبيرة .. كنت دايس دايما shift
واخدت وقت طويل .. وتعبت لما عرفت..

إني بتكلم أكتر ما اسمع .. معرفتش أحسب وأجمع
والدنيا كتير بتخدع .. بس صعب إنك تجمع
قالولي مش حنسمع .. قالولي مش حينفع
طريقك آخره فاضي .. ومسيرك يوم حترجع

دي حكايتي وححكيها .. ومفيش حد حيحكيهالي
عشت سنين ساكت فـ حالي .. حلمي كان تحقيق آمالي
وطموحي كان سابقني .. كلام الناس كان بيخنقني
محدش ليه عمره صدّقني .. محدش ليه عمره صدّقني

كل إنسان تعيس أو فرحان .. أكيد فيه حكاية وهو بطلها
كل مدينة وكل عنوان .. فيه 100 حكاية بتبتدي وتخلص

كريم نجيب

تاجو إيما

2008-08-24T12:27:00.005+03:00

من إيمتى عن جومانا أن يحكى ان على ذكر ستة أسرار قد لا يكتشفها من يحدثنى لأول مرة ..
-
طبعا سؤال يتسأل المفروض مش ليا للى يعرفنى ..

بس حنألف بأه فى موجة الشلل الكتابى بنت اللذينة ديه ..

1 - لست أياً مما ابدو عليه للوهلة الاولى ..

2- ابدو هادئة صامتة فى اى لقاء اول مع الغرباء ..

3 - لسانى طويل , ولا ينتبه لذلك من يرى احترامى البشرى لأى انسان ..

4 - محدش يقدر يحس احساسى بيه إلا لو انا قررت وطبعا لأنى ساعات بقول للناس انى مش طايقاهم ف وشهم بيفتكروا ان المسألة لسان و بس ..

5 - افتكرت سر عظيم فعلا مش ممكن حد يعرفه ابدااااً , امممم ورغم ان السر ده حيوقفنى فى خانة رخمه مع القاهراوية .. انا بحب اسكندرية جداً جداً بس عمرى ما كنت اسكندرانية , انا اصلا فى الميلاد قاهراوية وليا فى اليكسا الجميلة فقط 10 سنين .. ورغم انى ماقدرش اعيش فى مصر غير فى اسكندرية إلا ان عمرى ما كان انتمائى ليها ولا لأى بلد فى العالم بس طبعا يوم ما بتحط بين القاهرة واسكندرية مابيكونش فى مجال للأختيار اليكسا مدينة السلام النفسى .

6 - والسر الشخصى الكبير بأه بأه واللى فخورة بيه جداً جداُ .. انا بخاف قتل من المرتفعات وايدى بتترعش فوق كوبرى 45 عند بيتنا وبكره كبارى القاهرة وبفضل اتشاهد فيها ومع ذلك ركبت التليفريك فى الجبل مرتين وكان ممكن اركبه تانى , بخاف من القطر الطاير بتاع دريم بارك وكل ما اروح بركبه , ومن الطيارات ومن السفر بالليل ومن الطريق الصحراوى و الزراعى و مع ذلك ساعة ما بابا بيقول يا سفر ولو يوم بطلع اجرى معاه على اي مكان , مش بخاف من كل حاجه بعملها بس بعمل اى حاجه بخاف منها وبستمتع بكل حاجه بعملها الحمد لله و الفضل لله ربنا يديمها علينا نعمة ..

مش حبعته لحد باه عشان كله جاوب اصلاً

البقاء لله

2008-08-10T00:41:00.003+03:00

يقولون ان قلبه ناء اليوم فى الساعه التاسعه ..

لكن مثله ينوء الزمن وهو يظل ..

احسب لقيانا الذى لم يتم يا عزيز باذن الله فى الجنه ..

يــاريــتــهــا مــا ســألــتـــه

2008-07-06T11:55:00.009+03:00

اظن انى متوقفة عن الكتابة فى المدونة وغير من اشهر مش فاكراها .. لكن لطيف انك تاخد اجازة .. تتخلص من كل الافكار القديمة .. كل الاجزاء المتبعثرة .. حتى لو ده عنى انك تخسر سلاحك الوحيد , واداة سيطرتك , ومنفذ تنفيث غضبك , وحتى لو ده اتسبب فى خروج كل اشلائك على شكل كوابيس تلاحقك فى كل مكان ..

لكن بعد العزل الاجبارى تلاقى نفسك فاضى جدا وعندك استعداد تستقبل اى جديد , حتى لو كانت موهبة جديد عمرك ما كنت تعرف انها عندك او انك ممكن تعملها .. تقدر وقتها تجمع حاجاتك اللى بقت مش وحيدة وتكون انت نفسك أكتر.. وأكبر .

شكرا لايما على الليل ملاح و الشكر والعرفان للباشا محمد على بلاك تيما , وعلى محمد سامى عازف الكمان اللى فكرنى بالموسيقى الحلوة اوى .. وشكرا لبلاك تيما لأنى كنت بدأت نسيت اسمع ..

ارادت الطيران فرفض..

اقتربت لسماع انفاسه ففشلت ..

حاولت المحاولة فأبى ..

طلبت منه ان يكف فسخر ..

وهبته باقة زهر برية فأسقطها عمداً ..

دفعته لأخذ فعل واصابعها تتسل بخجل

لأصابعه المطوية بلا كرث ..

فادار لها ظهراً محنياً ,

واستكمل الطريق الذى صادفها به ..

اثناء بحثه عن حمامة زاجلة بُعثت يوماً بأنفاسه ..

***

اسأليني يا حبيبتي ع اللي داير في البلاد

اللي فيها صادروا حلمي وباعوا صوتي في المزاد

اسأليني عن ولاد شفتهم بعنيا دول

جربوا كل الحلول وبيفشلوا بالاٍجتهاد

احكي ليكي ألف قصة من حكاوي التعبانين

اللي عايش نص ميت واللي ميت من سنين

اللي نص كلامه كحة واللي شاف خمارة راحها

واللي اكل العيش دبحها دايرة دور ع السكرانين

زحمة زحمة زحمة زحمة

زحمة زحمة زحمة

اللي نامية وفيها ثروة م الفلوس تعمل جبال

واسأليني عن كباري نايمة تحتيها العيال

اسأليني ع الغلابة واسأليني ع التقال

اسأليني ع الديابة واسأليني ع الفساد

فعل وفاعل مفعول بيه

اعرب مجلس شعبك ايه

مجلس طبعا هو مضاف

شعبك هو المضاف اليه

واسأليني اشمعنى صابر ع المآسي الملهية

أقولك اني كنت واحد م الغلابة الأغبيا

اللي صبروا ف انتظار المعجزات والأنبيا

واللي فاق من وهمه فجأة لاقى كفر قوم عاد

لسة برضه قلبه طاير ... كعب داير فى البلاد..

***

وحين مر على ارض اخرى صادفها مجدداً

تبحث عن حمامة زاجلة بعثتها يوماً بأنفاسها

سألته

بـقـلـب ثـنـيـة ..

2008-04-23T20:50:00.010+02:00

.. وقف بكل غرور الرجل : ستشتاقين إلى حتى الموت

. وأجابته بلا دمع : هذا يا خطأى عقابى

وعدت العالم أن تكف عن ذكره فأخفته بين ثنايا حلم عابر

. ولم تستيقظ من نومها .. أبدا ,

فى الـ23

2008-01-27T19:42:00.000+02:00

يقول بيكون بأن الفضيلة هى الوسط بين متناقضين .. وانا لا اسطيع الكتابة فى قمة الفرح وقمة الحزن , وتدرج هذا العام بشكل استهبالى مطلق بين القمم ..
لم احصل على جناحين , ولا تذكرة سفر مفتوحة للعالم ولا طلعت ساحرة وبعتولى فى هوجورتس ولا حتى حصلت على هارى بوتر 7 هدية فى عيد ميلادى , وإن كانت ترجمة العيال فى روايات و تهنئة إما اسعدونى بشكل خاص .

=
انغماس فى غياهب الافعال قرابة الربع قرن , جموح نحو تحقيق اى طموح , اى خاطر , شعر طويل , وشعر قصير , لبس قصير وطويل , غلط وصح , مشى فى الشارع وجرى , ادراك وتيه , خلاف ووفاق , ملل حتى الموت وانشغال حتى الارهاق , موت , وحياة , نوم عميق وأرق ,نجاح وفشل , صمت وجنون , خير و شر . سجلت اسمى بكل دفاتر الحياة حتى التى قررت عدم التسجيل فيها .. حتى التفاهة جربتها مع سبق التصميم .

------------------
حضرت هذا العام 3 أفراح و7 مناسبات تترواح بين الشبكة والفاتحة , الكثير من الفساتين والالوان, كدت اقتل زوج فيرتى حين استوعبت فى الفرح لأول مرة بأنها سترحل , و بكاء فى فرح ابنة خالتى , لكنى الان سعيدة فى انتظار كينونتى كخالتو خلال العام القادم .

------------------
من اسعد الاشياء مناسبة يوم ميلادك ليوم عالمى مثل العيد الكبير , اليوم الذى يجمع الاهل بأكملهم فى بيت واحد , ان تشعر بفرحة اهلك بمرور عام جديد انت فيه معهم .. لكنه كان اسوأ يوم ميلاد بحياتى كلها , وخجلت لأنهم تذكروه بين ذكريات طفلة صغيرة كانت تحبو وتركض لتجمع نقود العيدية .. طفلة لم تعد معنا .
-------------------
ياحبيبتى ليه مستغربة لما اقولك انى حزين جدا سعيد
لما نبكى على الاموات فى عز ماحنا فرحانين بالعيد
-------------------
عمر يقارب الربع قرن .. لا يستطيع الانسان التأكيد على نوعه.. سعيد ! حزين ! من بيده احتواء لحظة النهاية ليحكم عليها .. هل هى حيث نحن الان !! هل هى حين يتوقف أملنا ويموت طموحنا ونستمتع بالاسوار لأنها كل ما نملك !! ام هى لحظة الموت الجسدى !! ام ما بعد كل هذا !! كيف نحكم على حياتنا وسعادتنا بشكل اساسى !!
=
انا لا اعرف .. واعرف بأن المعرفة فى هذا العالم تتلخص فى الادراك بأنك لن تعرف ابدا ليس فقط كل شئ ولكن حتى اقل شئ , فلون البحر الذى نتغنى بزراقه ليس فى الحقيقة ازرق , الافق ليس المنتهى , والموت والحياة امر نسبى بحت .
وهذا ينفى ادراك الحواس , والعقل ليس اهلا لإدراك الاشياء بدون معرفة المعلومات التى قد تكون كاذبة , والحدس يعتمد فى الاساس على الغيبيات ..
=
انهارده عندى 23 سنة وشهر وكام يوم وبقول لنفسى كل سنة وانا متأكدة ان ادراكى محدود مهما تخيلت , وكل سنة وكلكم طيبين .

صافحت سميح

2007-12-11T18:06:00.000+02:00

بالامس ذهبت الى مكتبة الاسكندرية وانا اعلم بقدومه , وحين دخلنا القاعه كان صوته يزلزل ارجائها حتى شعرت بماء البحر يثور , اهتزت القاعه بالتصفيق لملك اسمه سميح القاسم قادم كما قال من عند التين والزيتون , من اقدم زيتونة ..قادم الى الاسكندرية وهى غزة اخرى .. يشدو الى ملك اخر هو احمد شوقى فى احتفالية مرور 75 عام على وفاته ..

***

خرجنا وراءه ركضا وانتظرنا انتهاء لقاءه التليفزيونى , صافحنا بابتسامة ذكرتنى بزيت الزيتون الفلسطينى فى رقتها , اتسعت ابتسامته حين اخبرته بأنى ظننته بعد قصيدة غوانتاناموا لن يكتب افضل .. لم يستمع لباقى الكلمات ولكنه ضحك وبحث عن يدى ليصافحنى مجددا وهو يسألنى ان كنت قرأتها ويقول بأنى بطله .. ويرحل .. عائدا الى الحبيبة الاولى فلسطين ربما .. او مغتربا عنها .. لم تستطع رفيقتى النطق بحرف واحد رغم انتظارها لهذا اليوم منذ رأت سميح القاسم لأول مرة منذ اعوام ..

***

اثناء العودة قررت انا اطبع كفى الذى صافحه على ورقة واعلقها بغرفتى , واكتب بأنها صافحت رجلا حق من ارض حق , هل يأتى اليوم الذى يصبح بالامكان رؤية مطر , ومحمود درويش .. اتمنى من الله فبالامس تأكدت بانه امر يسير جدا ان اراد الله .

***

غوانتاناموا

***

هنا يَفسُدُ الملحُ. يأسنُ ماءُ الينابيعِ

يؤذي النسيمُ. ويُعدي الغمامُ

هنا تثلجُ الشمسُ

مبخرةُ الثلجِ تُشعلُ شعرَ الحواجبِ والأنفِ

تدنو الأفاعي

وينأى الحمامُ

هنا يسهرُ الموتُ في اليومِ دهراً

وروحُ الحياةِ تنامُ نهاراً

ودهراً تنامُ بكاءُ الرجالِ هنا

وبكاءُ النساءِ

ليضحكَ ملءَ البكاءِ

لئامٌ لئامُ

هنا غوانتانامو..

وجوهٌ وما من وجوهٍ

. وصوتٌ ولا صوتَ

والوقتُ لا يعرفُ الوقت

لا ضوءَ

لا همسَ

لا لمس

لا شيءَ

لا شمسَ

ليلٌ

وليلٌ يجبُّ النهارْ

وقيدٌ يُسمَّى السِّوارْ وقيدٌ دماءٌ

وقيدٌ دمارْ وراءَ الجدارِ

وراءَ الحديدِ

وراء الجدارْ هنا قلقٌ لا يفيقُ

هنا أرقٌ لا ينامُ

هنا غوانتانامو..

تدفُّ رفوفُ العصافيرِ رُعبا

وتخفقُ أجنحةُ الموتِ في فخِّ أسلاكِهِ الشائكهْ

ويسطو طنينُ الذبابِ على ثَمَرِ الأعينِ الهالكهْ

وتعلو على لهبِ الدمِّ والدّمعِ أبخرةٌ فاتكهْ

ويهوي الظلامُ

هنا غوانتانامو

.. أتعلمُ أُمُّكَ أنّكَ تذوي حنيناً إليها؟

أتعلمُ أمّكَ يا أيّهذا الأسيرُ الغريبْ

أتعلمُ أنّك تلمحُ في الموتِ كفَّ الطبيبْ

أتعلمُ أمكَ أنكَ في ربقةِ الأسرِ تحلمُ حرّاً بدفءِ يديها وتبكي عليكَ.

وتبكي عليها وأنّك تدعو وتدعو

وأنّ السماواتِ لا تستجيب لأنك في غوانتانامو

وبعضُ الدّعاءِ مَلامُ..

تضنُّ القلوبُ بأسرارها

ويبوحُ المسدَّس

ما الحلُّ؟ يا جنرالَ الظلامِ .

ويا سيّدَ النفطِ والحلِّ والرّبطِ

ما الحلُّ يا سيّدَ البورصةِ الخائفهْ

ويا قاتلَ الوقتِ في رَحْمِ ساعاتِنا الواقفهْ

إلى أين تمضي جنائزُ أحلامِك النازفهْ

إلى أين يمضي السلامُ؟

إلى أين يمضي الكلامُ؟

إلى غوانتانامو..

تعيشُ اللغاتُ هنا

وتموتُ اللغاتْ على الملحِ والدمعِ والذكرياتْ

وتؤوي بقايا الرفاتِ بقايا الرفاتْ

وأحذيةُ الجندِ لا تستريحُ وقبضاتُهم لا تريحُ

وما من شرائعَ. ما من وصايا. ولا دينَ.

لا ربَّ. لا شرقَ. لا غربَ. ما من حدودٍ.

وما من جهاتْ

هنا كوكبٌ خارجَ الأرضِ.

لا تُشرقُ الشمسُ فيه.

وما من حياةٍ عليه

وما من حروبٍ

وليسَ عليه سلامُ

هنا كوكبٌ خارجَ الجاذبيَّهْ

وما من معانٍ إلهيَّةٍ تدَّعيهِ

وما من رؤىً آدميَّهْ

ظلامٌ ظلامٌ ظلامُ

هنا.. غوانتانامو..

جناحُ الفراشةِ ينسى زهورَ الربيعِ

جناح الفراشةِ ينسى الربيعَ القديمَ الجديدَ القريبَ البعيدَ

ويسقطُ في النارِ

لا طَلْعَ

لا زرعَ

كفُّ الأسيرِ جناحُ الفراشةِ

مَن أشعَلَ النارَ في البدءِ؟

مَن أرهبَ النسمةَ الوادعَهْ

ومن أرعبَ الوردةَ الطالعهْ

لتسقطَ كفُّ الأسيرِ

ويسقطَ قلبُ الطليقِ

على لهبِ الفاجعَهْ ويرحلَ بالراحلينَ المقامُ

إلى غوانتانامو..

كلامٌ جميلٌ عن العدلِ والظلمِ

والحربِ والسلمِ

في مجلسِ الحسنِ والصونِ والأمنِ

في كافيتيريا الرصيفِ. وفي البرلمانِ.

وفي المهرجانِ. وبين القضاةِ.

وفي الجامعاتِ. كلامٌ غزيرٌ. وحلوٌ مريرٌ.

ومَرَّ الكرامِ يمرُّ عليه الكرامُ ويمضي الصدى.

ويضيعُ الكلامُ ولا شيءَ يبقى سوى.. غوانتانامو..

ويبقى غبارٌ على صُوَرِ العائلهْ ووجهٌ يغيبُ رويداً رويداً.

وتشحُب ألوانُه الحائلهْ وسيّدةٌ عُمرُها ألفُ عُمرٍ.

تقاومُ قامتُها المائلهْ لترفعَ عينينِ ذابلتينِ إلى صورةِ الأُسرةِ الذابله

"تُرى أين أنتَ؟"

"متى ستعودُ؟"

"وهل ستعودُ قُبيل رحيلي؟"

"لأمِّك حقٌّ عليكَ. ترفَّقْ بأمِّك يا ابني. تعالَ قليلاً. ألستَ ترى أنّني راحلهْ؟" "تُرى أين أنتَ؟"

وتجهلُ أُمُّ الأسيرِ البعيدِ مكاناً بعيداً يسمُّونَهُ غوانتانامو وتبكي..

وتبكي عليها العنادلُ.

تبكي النسورُ. ويبكي اليمامُ..

هنا وطنُ الحزنِ من كلِّ جنسٍ ولونٍ.

هنا وطنُ الخوفِ والخسفِ من كلِّ صنفٍ.

هنا وطن السحقِ والمحقِ والموتِ كيف تشاءُ المشيئةُ موتٌ ترابٌ.

وموتٌ رخامُ هنا غوانتانامو

أراجيحُ ضوءٍ شحيحٍ عقاربُ ساعتِهِ المفلتهْ

ورقّاصُ ساعتِهِ الميّتهْ

هنا غوانتانامو

يغنّي المغنّي الأسيرُ دماً.

يا صديقي المغنّي لجرحِكَ إيقاعُ جرحي لصوتِكَ

أوتارُ حزني لموتِكَ

ما ظلَّ لي من حياتي وما ظلَّ للموتِ منّي وكلُّ زمانٍ هُلامُ

وكلُّ مكانٍ هُلامُ سوى غوانتانامو..

لبرجِ المراقبةِ الجهْمِ أن يستثيرَ الرياحَ

وأن يستفزَّ الجهاتْ وللحارسِ الفظّ أن يشتُمَ الأمَّهاتْ وللثكناتِ ..

وللأسلحهْ ممارسةُ الحلمِ بالمذبحهْ وللزيتِ

والشَّحم والفحمِ أن تتحدّى طموحَ الزهورِ

وأن تتصدّى لتوقِ النباتْ وللقبضاتِ.

وللأحذيهْ معاقبةُ الأغنيهْ وقمعُ الصَّلاةْ

هنا ما يشاءُ النِّظامُ

وفوضى تُرتِّبُ فوضى ويُسكِتُ جوعاً صِيامُ

هنا غوانتانامو..

ينامون بين الأسرَّةِ والريحِ. أهدابُهم في النجومِ. وأطرافُهم في مياهِ المحيطِ. ينامونَ صفراً عُراةً وسوداً وبيضاً عراةً وسُمراً عُراةً.

لحافُ السماءِ غطاءٌ ثقيلٌ.

ينامون بين شفيرِ الجحيمِ وحبلِ الخلاصِ.

وهل من خلاصٍ سوى ما تُتيحُ حبالَ المشانقِ؟ هل من خلاصٍ سوى ما تُتيحُ حبالُ المشانقِ؟

مَن يُصدرُ الحُكمَ يا حضراتِ القضاةِ

الغزاةِ الطغاةِ؟

ينامون أسرى الحنينِ وأسرى الجنونِ.

ولا نومَ . لا صحوَ.

ما من أسِرَّهْ سوى شُهُبٍ من شظايا المجرَّهْ

وما من لحافٍ سوى ما يُهيل القتامُ على غوانتانامو وأكفانِ حزنٍ. ونيرانِ حَسْرَهْ هنا غوانتانامو

تقولُ الدساتيرُ ما لا تقولُ البنادقْ ت

قولُ المغاربُ ما لا تقولُ المشارقْ

تقولُ الأراجيحُ ما لا تقولُ المشانقْ

يقولُ الأساطينُ في فنِّ قتلِ المحبَّةِ

. ما لا تقولُ أناشيدُ عاشقْ

فماذا يقولُ لنا الاتهامُ؟

وماذا يقولُ لنا غوانتانامو؟

وماذا يقولُ رمادُ المحارِقِ.

ماذا يقولُ رمادُ المحارقْ؟

وماذا يقولُ زجاجُ النوافذِ للشمسِ والريحِ؟

ماذا يقولُ القميصُ العتيقُ لعاصفةِ الرملِ والثلجِ؟

مِن أينَ تأتي الأفاعي إلى غُرفِ النّوم؟

ما يفعلُ الطفلُ بالقنبلهْ وكيف يردُّ الذبيحُ على الأسئلهْ

وماذا تقولُ لصاعقةٍ سُنبُلهْ وماذا تقولُ الصبيّةُ بعد اقتناصِ أبيها

وكيف يجيبُ الغُلامُ على غوانتانامو؟

لأنَّ دماءَ المسيحِ تسحُّ على شُرفةِ الأرضِ من شُرفةِ الآخرهْ

لأنَّ دموعَ النبيّينَ تنفعُ إن لم تعُدْ تنفع الآصرهْ

وتَشفع للأُممِ الصابِرهْ

لأنّ الخليقةَ مؤمنَةٌ أوّلَ الأمرِ بالله.

موعودةٌ آخرَ الأمرِ بالرحمةِ الغامرهْ

لأنّ النفوسَ البسيطةَ طيّبةٌ غافرهْ فهل تتخلَّى السماءُ؟

وهل يستريحُ الأنامُ إلى الصمتِ والموتِ في غوانتانامو؟ لإيكاروسِ العصرِ حكمةُ ذيذالوسِ العصرِ..

O.k...

فهمنا الرسالةَ.

لكنَّ أجنحةَ الطائراتِ الرهيبةِ أقوى من الرّيشِ والريحِ.

أسرعُ من نبضةِ القلبِ في قلعةِ البنتاغونِ القصيَّهْ

ويسقطُ إيكاروسُ العصرِ.

تسقطُ حكمةُ ذيذالوسِ العصرِ،

بين المارينـزِ وحاملةِ الطائراتِ العصيَّهْ وتبقى التفاصيلُ.

لكنْ تضيعُ القضيَّهْ

ويبقى الحلالُ.

ويبقى الحرامُ

ويبقى النـّزيفُ

على غوانتانامو..

متى تسقطُ الكأسُ من كفِّ يوضاسَ؟

أين الوصايا؟ وأين المرايا؟

أليسَ هنا أَحَدٌ؟ أين أنتم؟ وهُم؟ أين نحنُ؟

وأين قضاةُ النظامِ الجديدِ؟

ألم يفرغوا من طقوسِ العشاءِ الأخيرِ؟

ومن خطّةِ الضَّربِ والصَّلبِ؟ أين رُعاةُ الحقوقِ؟

وأينَ حُماةُ الحدودِ؟

ألم يشبعوا من طعامِ العشاءِ الأخيرِ؟ ألم يكفِهم جسدي خبزهم ودمي خمرهم؟ يتخمونَ على رسلِهم. يثملونَ على رِسلِهم.

يصخبونَ.

وشاهدةُ القبرِ بينهم المائدهْ ووجبتُهم جثّتي الخامدهْ

هنا غوانتانامو

هنا تتهاوى النواميسُ.

يسقطُ سرُّ اللّغاتِ.

هنا تتشظّى الجراحُ.

هنا تتلظّى الرياحُ.

متى تنهضُ الشمسُ من قبرِها؟

متى تُسفرُ الأرضُ عن فجرِها؟

متى تتصدَّى حياةٌ لموتٍ؟

متى تتحدّى الحروبَ السلامُ؟

كفى غوانتانامو

كفى

الليل ملاح

2007-11-15T00:08:00.000+02:00

الليل ملاح

ـــــــــــــــــــ

**
الليل ملاح تايه سواح

لا بيوصل شط و لا بيرتاح

الليل مشحون

أسرار و شجون

و ألم و نغم

و كاسات ونايات

و دموع و آهات

و عبر و حكم

ومشيت في الليل خجلان مكسوف

إكمن الليل عريان مكشوف

أفراح الناس و جراح الناس

على صدر الليل عناقيد و صفوف

و عيون الليل و الضلمه جبال

فاردين على وش السما غربال

ألماظ مبدور

في كاسات بنور

يفرش للنور

ع الأرض

.. خيال

و يشق سكون الليل أرغول

و نغم فنان ثاير مخبول

و عليل على فرشه بيتقلب

و يحايل جرحه المتداري

و يقول

يا طبيب قلبك طيب

اسمعني ح أقول لك أسراري

لو شلت الشكوى على لساني

و رميتها قريب ما تكونش جراحي مآلماني

أبدا ً يا طبيب ما انا دقت الجرح و خدت عليه

يسقيني المر و برضه اسقيه

من بحر الصبر اللي ف قلبي

حتقول لي بتشكي امال من إيه؟

و لا من أوجاع و لا شوق لمتاع

دانا عمري إن ضاع مش ح أبكي عليه

أبدا ً يا طبيب

يا طبيب دنا جرحي ملوعني

و ساقيني الحنضل من كاسي

و النار ف ضلوعي بتلسعني

و أنا لسه صغار و العيا قاسي

و لا عمر الليل مره سمعني

عليت الآه على انفاسي

أبدا ً يا طبيب

لكن يا طبيب أنا بابكي صحيح

و باقول الآه زي المجاريح

و دموعي في عيني بتتكلم

و بتتألم عل قلب جريح

مسكين كان أمله يجب سنين

و يلم الحب ف عشه اتنين و اتهنى معاه

و ان قال الآه أنا اقول له يا روح القلب آهين

بس انا لا بيدي ولا بودي

دا قدر مقسوم

قدر لحبيبي يعيش بعدي في الهوى محروم

أهو دا اللي وجعني و خلاني

حطيت الشكوى على لساني

إنما و حياة اللي قاسيته

و حياة الأمل اللي بنيته

و حياة القلب اللي جرحته

لا فرحت معاه و لا هنيته

لو شلت الشكوى على لساني و رميتها قريب

ما تكونش جراحي مآلما ني

أبدا ً يا طبيب

و ينام الصوت و الكون حواليه

ساكن نعسان و كأن الموت

رمى تقله عليه سكت العيان

الكاس له ناس

و الليل مجالات

و الحان مليان

و الناس مزجات

و مجال الكاس

اشكال اجناس

مليان حواديت

مليان روايات

و نزور بالليل دنيا الخمار

و نلاقي الكاس ع الناس دوار

و يموت الليل على باب الحان

حيخش إزاي و الدنيا نهار؟

و قلوب و نفوس كده عالمكشوف

عريانه تمام و تعالي نشوف

شوف دا اللي هناك قدامه كاسين

مع انه لوحده ما هوش اتنين !

و الناس بيبصوا و مش فاهمين

الكاس دا لمين والكاس ده لمين ؟

اهو دا اللي بنظرة عين شبكوه

و فاتوله الكاس مليان و فاتوه

و حكايته طويله وهمه تقيل

و ح اقولك ايه و اعيدلك ايه

راح يملا عيونه بحلم جميل

بياع السهد ملاله عنيه

و ترن ف جو الحان ألحان

نشوانه تخلي المولد .. هُس

و غزاله بتتغزل في حصان

و تقول له احبك انت و بس

و يفز هناك سيدنا المنظور

و يطب الكاس ف إديه مكسور

و يقول غشاشه حتلعب بيك

و يرد التاني عليه بفتور

طب و انت مزعل نفسك ليه؟

حشري و سخيف و ح اقول لك ايه

و ما نولي يقول موس اندك حق

و السامر يضحك لما يطق

و يحط الحشري عنيه في الارض

و كأنه لحن في الدين و الفرض

و يقوم يتطوح مره يمين

و يميل زي البخت شمال

و ف جوف الليل يغرق مسكين

لا يغير حالو لا يشغل بال

الحظ حمار من غير حمار

فقد التمييز زي المجانين

هجر البساتين عشق الدهاليز

و الحظ بطبع غباوته عنيد

و دماغه حديد

لو يعند حتى على الغزلان

ينسخطوا معيز

و نسيب دهليز و نخش ف باب

و نعدي الباب ندخل سرداب

و نلاقي ضحايا الليل واقفين

و الحظ بيلعب بالاعصاب

طبليه عليها نمر بنظام

من واحد يمكن لما الالف

و الدنيا بزي ما هي تمام على هيئة كور

ه تدور و تلف

و شنب مفتول يصرخ و يقول

اللقمه بتنده اكالها و الرزق نصيب

و الدنيا الدايره في احوالها

زي المجاذيب

الصبح معاك

و الضهر عليك

و الحظ لو ادى ما بينقيش

جربها و يمكن لو تديك

من جودك برضه ما تحرمنيش

قرب قرب

جرب جرب

و دي لعبة حظ ما فيش تكبيش

و الكوره تدور زي المقدور

تحرن على ناس

و تجامل ناس

و الشيخ سلمون شعبان مندور

واقف على اعصابه و محتاس

يلعب ع السته الخمسه تصيب

ينقل ع الخمسه الخمسه تخيب

و خلاص الحظ ادا له قفاه

و الحظ ان ولى بيبقى عجيب

كلها ساعتين

و صريخ سلمون لعل مقامات

نهاوند و سيكا و رست و صبا و حجاز و بيات

يا فلوس الناس يا خراب البيت

يا نهار الشوم

طب المسكين من طوله

و رفص يظهر مات

و الناس ملهيه في احواله

بيدوسوا عليه

و بتاع الكوره مشغلها حيبطل ليه!؟

و اللقمه بتنده اكالها طب ودا كل

دا ايه؟

الشارع نايم تحت جناح الليل همدان

وعيون النور تعبانه بتنعس ع العمدان

و الكون ملفوف بعبايه نسجها الليل بالخوف

و ف بحر الضلمه رأيت على بعد شبح

إنسان!

حققت بعيني

لقيتها يمامه و كاسره الطوق

كرابيج الليل ناقشيتها جراح

من تحت لفوق

و الاسى ف عنيها مصحى الشكوى

تقول حواديت

حواديت مالهاش علاقات بالشوق

و ليالي الشوق

مسيت و رميت ع الحلو سلام

قالت سلامين

انا قلت لوحدك ليه يا حمام ووليفك فين؟

مالك بالليل و الويل والرعب

خليك يا حمام عايش للحب

شالت بجناح حطت بجناح

ورتني جراح تحت الجناحين

وقالت لي زمان الحب ماراح

و بقى لنا سنين في الليل ضايعين

خد مني الليل واداني الليل

ورميت له الغالي بسعر زهيد

و سقاني الشهد و دقت الويل

و كساني حرير و لبست حديد

و عرفت الناس م الراس للديل

و آمنت بأن الكل عبيد

و قالتها و طارت في ثواني

و انا شارد و خيالي يصو

ر و غمزني الفجر و صحاني

و لقيت الكون بادي ينور

و صحيت من غفوة سرحاني

على صوت بيقول الله اكبر

الفاجومى

حبيبة مشيت

2007-11-05T01:22:00.000+02:00

هذا الشعور بأنك اليوم ينفطر قلبك ..

ينكسر

لا يتفتت ولكنه ينشطر فجأة الى نصفين

أول ابنة لى من دمى

جدتها هى امى مع امى

والدتها هى اختى مع اختى

خلانها وخالتها هم اخواتى منذ ولدت

وانا خالتها وبنت خالتها

وكنت سأسمع منها أول كلمة خالتو .. تاتو .. كما سمعتها منا جدتها .. خالتى الكبرى

فى العيد غيرلتها حفاضتها ولبستها هدوم العيد

وبعد العيد روحنا تانى وعملنا عيد ميلادها ..وكانت بتلف فى البيت لوحدها وماعرفناش ننام

ولما بنروح نلاقيها نايمة بنصحيها ونعمل اننا ماصحينهاش ..

بس حبيبة خلاص

مشيت

اللهم اجرنا فى مصيبتنا واخلفنا خير منها

2007-09-12T18:48:00.000+02:00

طبعا معذرة لمتابعى ارض الغجر عن التأخير الاجبارى عن ابداعى المتدفق

لكنها ظروف المصيف والضيوف والسفر والصيف والحاجات ديه

وطبعاً رمضان بكره باذن الله يعنى غياب اختيارى حتى بعد العيد لأنى مابلحقش اعمل اي حاجه ,

وتيم فى الملك فاروق , وسوزان نجم الدين فى مسلسل مصرى , وسوريا كلها عندنا وحاجه تحفة نتابعها بعد رمضان ان شاء الله

وصلاة تراويح , وافطارات جماعيه

وناس ماشية فى الشوارع بتحاول توصل لمراتب الملايكة , وساعة مايشموا ريحة الشوى والسلطات يضحكو

ويفتكروا انهم بشر , ورمضان نفحة من ربنا

والشيخ شعبان ودعاء ليالى رمضان , والسحور فى الجامع ,

واصحاب الجامع اللى بنشوفهم من رمضان لرمضان

وحواديت الشيخ حاتم فى محطة الرمل

والفوانيس والصواريخ

وحللوا يا حللوا

فك الكيس يانروح مانجيش يا حاللو

بعودة الايام يا رمضان

-----

بس حابة اقول كل سنة وانتوا طيبين وشهر خير على الجميع ان شاء الله

كل سنة واصحابى المنتداوية طيبين

كل سنة وروايات وخيال ودار ليلى طيبين

كل سنه واصحابى المدونين طيبين والبلوج سبوت أحدث

كل سنه وإما وميراج ونانا ورون وسبيل وشو وشوشتا وفيرا و جانجا و روند وساسو وعلياء

وريم وشورى وخوخة وسيرين واوفليا ويوجينا ودُدَه ودعاء

وروايات وداس وحنون وهمسة وسمسمة ودينا وميس هو و بيكا بيكا طيبين

كل سنه والولاد كلهم طيبين

وكل اللى مش حاضرين فى دماغى وانا بكتب البوست بسرعه كده طيبين

كل سنة والعالم احسن وأحلى

رمضان كريم

بالبنط الاسود

2007-08-24T22:56:00.000+03:00

لأن البطل دوماً فى النهاية يا صغيرتى ..

شهيد

اسكرتنى الحماسة حين استطعت قطع التذاكر الخمسة اخيراً ,

اول يوم لعرض القصة , وبعد المحاولات المستميتة , والمواعيد الصباحية الغبية , وتحكمات الزحام ,

لم نصدق حين احتللنا المقاعد والشاشة صماء ..

كتمت شهقاتى بقوة حين ظهر , وتصرف وكأنه لا يأبه ..

وكأنه فقط عابر طريق , يلقى بذوره لتظلل من خلفه خَلف ليس من صلبه ..

ذكرتنى عن يمينى بفحيح هامس

" حيموت "

تجاهلتها لأنه لا يموت ..

مرت الدقائق وحين توهج وأضاء ..

انطفأ

اختفى

تلاشى

مات

وبكفى الايمن كتمت نحيبى

واحتوى كفى الايسر المتخشب بكفه البض الصغير

وبكفه الأخر مسح دموعى المنسلة

" معلش يا أبلة "

***

ليس يحسب بين فرسان الزمان

ان عد فرسان الزمان

لكن قلبه

كان دوماً قلب فارس

كره المنافق والجبان

مقدر ما عشق الحقيقة

قولوا للحبيبه

هو لم يمت بطلاً

ولكن مات كالفرسان بحثا عن بطولة

لكن حبيبى فى التواجد مات بطل

ترنيمات للسكن ( 2 ) وما فى السكن

2007-06-20T19:31:00.000+03:00

وكم قرأت فى الطريق من حكم ..

لكننى دأبت لا أصدق الحكم ..

فالخوف أهلك الرجال يا حبيبتى منذ الأزل ..

تخيلى ..

لو ان ذلك الصديق لم يقف ..

تخيلى ..

لو انه مضى بلا وجل ..

أكان شاء أن يعود ..

أكان شاء أن يموت ..

أكان كل جهده نصيحة على حجر ؟

نجيب سرور

ــــــــــــــــــــــــــــــــــــــــــــــــــــــــــــــــــــــــــــ

لأنك اخيراً تقرر ..

ستصحو نشيطاً لأن لديك شئ ما تريده , وقررت تنفيذه .. تحرق دفاتر مذكراتك المنزوية فى مكان ما بجوار العلب الكارتونية الضخمة التى أودعت فيها كتبك ورواياتك جرائدك الثورية .. تكمل وصيتك التى لم تكملها أبداً وربما لم تبدأها أصلاً .. تهاتف اصدقائك وتودعهم .. وانت تقسم للمرة الالف بأنهم سيفتقدونك حتى الموت , رغم الاخرق القاطن بنصف الكرة الارضية الاخر و الذى اقسم بأنه لن يبكى عليك ولكنه سينظر لبقاياك بحزن لائق .. كالعادة تصرخ والدتك لتخفض صوت الضحكات .. تصلى ركعتين , تنظر فى عينيها .. وتتبسم بإعتذار حين تسألك عما تخفيه ..

ــــــــــــــــــــــــــــــــــــــــــــــــــــــــــــــــــــــــــــــ

كاف-يار

تضئ النور بصومعتك المشتركة مع اخواتك ان كانوا , تتناول قلمك المفضل وانت تتسائل من حظ من .. تختار ورقة زرقاء من أحد الدفاتر .. تمزقها لتفتح جهازك ربما للمرة الاخيرة , تكتب ميل لجريدة الدستور على غرار فيرونيكا بأه.. ترسله على بريد خالد كساب فى ضربة شمس , واللى طبعا مش حيوصل .. تعلن قرار انتحار لإرتفاع اسعار الكافيار فى مصر .. ايوان .. لك الحرية فى ان تفعل ما تشاء من أجل ما تشاء .. تقرر ان تذهب الجنة لتأكل كافيار,المهم تكون مقتنع .

ـــــــــــــــــــــــــــــــــــــــــــــــــــــــــــــــــــــ

loser ..

تدخل غرفتك .. تغلق الباب من الداخل .. يكف الهواء عن التجدد وتشعر بالاختناق , تقترب من الحائط وتحاول الانتحار بالذوبان فيه , و لأنها طريقة مملة , تحاول الصمت .. تكف عن الغناء , تكف عن التفكير .. تتوقف عن اختلاس النظر الى الافق من نافذة غرفتك البانورامية .. وحين تفشل تماماً حتى فى الموت , تظل تضرب رأسك بالحائط , ونظراً لأنها اصلب تكف وتملأ معدتك بكل انواع الدواء الذاخر بها البيت فى اسذج طريقة للأنتحار ..
يحاولون انقاذك , ينجحون , خطاب تحويل محترم على مستشفى المعمورة / السراي الصفرا فى مصر , تكمن بحجرتك وتصبح للحياة معنى مختلف ..

ولأنك بخلاف فيرونيكا , خطوت بكل مكان اردت الخطو اليه , وتلصصت على جميع الشبابيك المغلقة .. ولأنك مللت تذوق الأطعم المختلفة التى ليست بالضرورة أفضل , تختار البقاء فى المصحة , رغم الاسوار احرار ..

ـــــــــــــــــــــــــــــــــــــــــــــــــــــــــ

شباك أوسع بحياة أخرى ..

ستستطيع تخيل عالم أجمل فى الخارج .. وان الفقراء لم يعودوا فقراء , وان اللون الاحمر مجرد لون فى علبة ألوان لأطفال .. عادوا أطفال .. تتعلم العزف على الكمان اخيراً , ورقصة صاخبة مع التشللو .. وتخرج فى الشرفة بعد منتصف الليل .. تغنى .وحين تمطر لن يمنعك أحد من معابثة الماء المترنح فى الهواء , والتشبع بقطرات بللورية وليدة تعيد للروح حيويتها فى ميلاد جديد ..

تركض فى الطرقات قبل الفجر تروى نكات تضحكك , تحكى حكايا للمتململين فى منازلهم , تودعهم فى الصباح وتضحك وكلاًَ منهم يترنح الى مكان ما ليؤدى عملاً ما , ويعود بجريدة ذا دستور او حتى لا دستور ليسب العالم المتخلف بعد الحركة الروتينية لوضع الاشياء المطهية بداخله وهو يشاهد الشئ الوحيد الثابت فى حياته إى أر يوم الاتنين على الام بى سى فور الساعه 25 ,5

ــــــــــــــــــــــــــــــــــــــــــــــــــــــــــــــــ

خطأ غير مقصود ..

فى خطأ غير مقصود تصل الرسالة للدستور , يفشل باولو كويليو فى محاكمة اسرتك بتهمة التنفيذ .. تحاول اوبرا وينفرى لقائك لكنك ترفض بإباء .. وتفضل اسعار الكافيار غالية نار .

ـــــــــــــــــــــــــــــــــــــــــــــــــــــــــــــــ

نهاية ..

تقضى المتبقى من عمرك تعانى عظامك من الرطوبة ربما .. تعانى رئتيك من شئ ما ... و يعانى شئ ما اخر من شئ ما اخر , ليس استمتاعك بحياة فانية السبب بالضرورة .

ـــــــــــــــــــ

ويقرر متململ اخر ان يحظى بسكن لحفل أهازيج وثنى يحتله ..

حـيـاتـنـا كـتـاب .. مـُطـلـسـم الـحـروف .. فـطُـلـسم الـجـواب

ترنيمات للسكن ( 1 ) ما قبل السكن

2007-06-10T12:47:00.000+03:00

الصمت .. والثلوج .. والدجى .. وهوة بلا قرار ..

وبومة توح أو عقاب ..

وعطمة وهيكل وجمجمة ..

وحكمة منقوشة على الحجر ..

" يا ساللك الطريق ..

انى اتيت مثلما اتيت ..

رأيت ما رأيت ..

السير لم يعد بمستطاع ..

والعود لم يعد بمستطاع ..

يا سالك الطريق ..

خذ نصيحتى ومت .."

نجيب سرور

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ما قبل السكن

ملل ..

ملل مدمر , تعزي نفسك بان افضل ما فى القهوة اخرها .. لكنك تتوقف فجأة وتجلس ارضاً , والجميع يتحلق حولك .. تقرر بأنك لم تعد تريد " مش لاعب " خيال عابر عن كل ما اردت رؤيته .. ورأيته , وخطوك الملول فى النهاية للرحيل ..و لأنك التغيير القادم تضطر لتحمل سوء الأشياء , ولهذا ولدت بساعة مباركة , الصدفة البحتة التى جمعت والديك , وكل الخطوات القدرية التى اتت بك لهذه النافذة لتكون انت التغيير .. لكنك تتعلم بأسوأ الطرق ..ان الحياة ليست خلفية لك .. انت هو الكومبارس ..

الأختيار ..

لا احد مجبر على اى شئ , نحن نختار فقط ان نفقد الاختيار .. نجد له مبرر ظريف نعلقه على ابواب الفشل ,وفى النهايه نضطر لترك كل شئ لأننا " نختار " ان نختار الا نكون محل اجبار .. وتنسى نكتة التغيير بينما تتعلم واجباتك كترس غير مؤثر فى العالم , ويبدأ الحديث عن التكيف , التقوقع , ولا يكفى موافقتك على ان الانسان أصله بطيخة .. عليك ان تقتنع ..

ناموسة..

تلال من الكتب المعتقة بانتظارك , لكن الكلمات تملأك .. تفيض من عقلك .. تبتلعك , تلتهمك , تلقى بالكتاب ارضاً وتحاول الافلات منه ,تهرب من اوطان لن تصبح منها ابداً , تحتوى الريموت كنترول بعشر أصابع , تداعبه بألية بينما تتابع ببصرك ناموسة زنانة اخترقت حصار أسلاك النوافذ والستائر , تتذكر امنية دفينة بأن تصبح جنية .. تناسى الامر و تتفرغ لتحسدها لأنها تستطيع الطيران رغم انها ناموسة .. وانت لا ..

لاذع ..

تغير على التلاجة .. صودا والمزيد من الصودا ولكنها لا تطفئ لهيب مشتعل .. تعتصر الليمون بفنجان صغير , لكن لذوعتك تؤذيه .. تتناول كيس كبير من المقرمشات الايطالية , تتخير ركناً بعيد عن بقية الافراد .. أقرب كرسى للتلفاز المطفأ وعيناك لا تفارق الشاشه الميتة, ترفع قدميك على طاولته وكتابك مستقر بحضنك بالمقلوب , تفشل فى العثور على مبتغاك فى الكيس الاول فتتناول الثانى محاولاً استخدام طاقتك الداخلية للعثور على مقرمشتين متشابهتين ..

ارهاق ..

تعلم انك كبطل رواية لم تقرأها لكنك فهمت مضمونها .. لن تتجسد الا بخدمة تقضيها لأنسان .. تعلم داخلك بانك أنانى تفعلها لتشعر انك تشعر , للقرب المقدس .. لكنك فى النهاية تفعلها .. فالوقت ان لم تمر به مر عليك , تحمل وقتك فى الجعبة المرقعه وتلقيها على أحد مكاتب المؤسسات الخدمية .. ملل , ملل , المزيد من الملل , روتين , ويظل الفقراء فقراء , وتظل أقصى احلام امرآة تسكن فى بير سلم " ازازة زيت وكيس سكر" , وتظل ام خيرى واثقة بأنها لن تقرأ مهما حاولت بمحو الأمية .. تحاول اقناعها .. ربما تنجح ... لكنها اقنعتك أولا ً ...

سينصحك صديقك الصدوق بعدم تناول المهدئات , والمنومات .. سيتبسم بسخرية .. لم تفده بشئ , الحل الوحيد هو العمل , الارهاق , التعب والكد , ودعاء بالصبر فى جوف الليل .. تقتنع لوهلة وتتركه يقضى على طاقتك الهوجاء ..فى العادة يختار الركض صباحاً , والاوبرا الليلية ثم السينما , تمارسان التراهق حتى النوم ..

بطيخة ..

يراوغك طوال الوقت .. تموت مللاً فى انتظاره , تنام عيناك أولاً لكن البطيخة تظل واعية لكل حدث , لم تكتفى بعد .. لم تشبع بعد .. تتسائل هل من مزيد !
ولا من مزيد .. تجبر نفسك على التقوقع تحت غطاء يعابث فيه توم جيرى , تتبسم , تعطى عيناك المرهقتين الاوردر اخيراً .. وتـ ـنـ ا م .. أو لا تنام , ليست هنا المشكلة .

لأنك لا شئ ..

ربما يفلت من الملل يوم .. تعمل فيه وتجهز له فيصيروا يومان .. تعود للبيت مبتسماً , تنام لأول مرة منذ اشهر نوم طبيعى , بلا كوابيس , بلا اجبار , بلا قلق , أو ارهاق يصيبك فى الصباح وكأنك لم تنم ..

لكن اليوم التالى يأتى , وتفكر بأن سواك بإمكانهم احتلال مكانك و فى اى وقت , ربما ليكونوا افضل ايضاً , تراقب القهوة تفور , تنقذ المتبقى منها وتتناولها لتستطيع فقط الاحتفاظ بجفنك فى وضع ثابت , وتحمل صراخ الوالدة التى يسوئها نومك المتأخر , وعدم لحاقك بصلاة الفجر , والقهوة التى ستقتل معدتك المرقعه كملابس المهرج الفقير , ومنظرك " الاغبر " بنظرة الخواء بعينيك وكأن العالم انتهى وانت فى الـ عـ ـشـ ـريـ ـنـ ـا ت ..
تتحمل صراخها جراء طبق السلطة الذى كلفتك بإعداده ووقفت أمامه ساعة ونصف تحاول تقطيعه بقوتك الداخلية التى ابتلعت حياتك .. تختار ان تصمت وألا تؤذيها بإجابة من عمق معاناة لا تفهمها انت نفسك ..

نزهة ..

تخرج , يتلقفك البحر .. يدوايك .. تظل تسير وتسير وتسير .. ويظل يحاول , موكا سخنة .. ايس كريم .. او قطعة جاتوه شيكولاته بالشيكولاته تتناولها بأصابعك فى فخر وتعجز عن اكمالها بعد ما لونت بها اسنانك وملابسك ايضاً , تعلو ألحان صاخبة بلغة غير مفهومة يصمم عليها واضعها لأعطائك الايحاء بأنك فى مكان غير ..
اللون الاصفر فى كل مكان و كأنك زائر فى لوحة لدالى , تتبسم حين ترى الاستمتاع على وجوههم , ويقتحم قلبك صوت الضحكات الصافى رغم كل شئ , مائدة منزوية تحتوى الجميع فى أحد الأركان , اعلى درجة رقى من التهييس الجماعى , والمواقف الغبية التى تظن بأنها لا تنتهى أبداً .. تعلم ان الدقائق احياناً اجمل , طالما ابقاهم الله بجوارك ..

جمرة ..

تقابل صدفة – كما يطلقون عليها – تعبر بحياتك الى افق لم تعرفه من قبل , يتغير الروتين قليلاً .. يحتويك السرير فى حنو , تدرك بأنك الليلة لن تركض فى المنام خلف ما لا تدريه , او يركض وراءك ما لن تدريه .. تـــــــــــــــــــــــنــــــــــــــــــــــــــــــــــــــام ..

تستيقظ سعيد لأن الجميع بخير , لأن الخبر السئ لم يأتى بعد , تدرك فجأة بأن جمرة سعادتك أصغر من ان تمد العالم بالدفء الذى تريده ..

مؤثرات خارجيه ..

لا تكتفى بتجاهل معظم اصدقائك الذين سيعاملونك كما لو كنت أنت , ولا تكتفى بإطفاء النغمة التى تجرحك بصوتها واختراقها لحياتك فى وقت تكاد تجن فيه من صخبك .. لكنك تدفنه بدرج ما .. لا تغلقه كليةً فقد يحدث شيئاً هاما رغم كل شئ ..

تقرر ..

تفكر ان تقرر ان تموت , وان قررت فهذا بالتالى مقدر وهكذا لن يكون فيه كفر لأنه اصلا مقدر .. ان افترضنا بأن هذا صح , وان هذا هو الجانب الوحيد للقضية وهذا خطأ بالمناسبة .. يكفى هذا اليوم ولننتظر البقية .. غد ..ربما بعد الغد .. وربما ابداً ..

تاج مزدوج زى ابا اللهب .. :D

2007-05-21T23:39:00.000+03:00

لولا ان انقطاعى عن كل حاجه الفترة اللى فاتت كان يغرينى انى انشر البوست اللى كاتباها من اسبوع وبفكر فيها من سنة ومش لاقيالها صورة ملائمة لكن لأنى لسه مش مستعدة لنشرها , ولأنى واقعة تحت نير الملل السخيف فانا حاخد القرار الشجاع , واستقبل التاج اللى برضك بيفكرنى بتاج محل فى الهند واللى رفض ابراهيم خليل انه يشوفه وهو فى الهند لأن كل الناس بتروح هناك .

لما لاقيت النقيب وإما ,بعتنلى لينك بالحماس الشديد ده أقسم بالله افتكرت مثلا .. مش عارفه افتكرت ان فى حاجه رهيبة جداً :)

....

وفيما بعد اكتشفت مصطفى كمان .. مش عارفه ليه نظام التاج بيفكرنى بالدكتور النفسى لما يقعد العيال الصغيرين قدامه والعيل يكون مقلق اصلاً وقلقان يسأله عن اسرار ويروح يقول لأهله ثم اذ فجأة يلاقيه بيسأله بيحب مازينجر اكتر ولا جراندايزر بس الحق يتقال , رغم استفزازا الاسئلة ساعات كداب اللى ينكر استمتاعه بان حد فاكره وباعتله تاج

يلا بأه انتوا كمان حتدوشونى بثرثرة فاضية !!! سبونى أطلع عين واضع الاسئلة بإجابات شـــ ــنـــ ـــيـــ ــعــ ــه

_______

أحب شخص لقلبك في الدنيا؟إنسان مستعد تضحي بحياتك - ركز فى كلمة حياتك - عشانه؟

اممممم .. مش عارفه فعلاً أنا بحب ناس كتييييييييييير جداً بس اقدر اقول ان فعلا اكترهم ماما والقردة الصغيرة أختى أما مسألة الحياة والتضحية وكده فأصلا الواحد مش ممكن يختار , بس اصلا فى الوقت الحالى انا ممكن اضحى بحياتى عشان بطيخة .. عادى يعنى البنى ادم اما بيحب الحياة بيضحى بيها عشان يحس بيها فبإذن الله اضحى بحياتى من اول ماما وبابا وأهلى مرورا بالعيال القلل كلهم والناس اللى ماعرفهومش لو اتقدر لى انى انال شرف انى اكون سبب فى احياء حياة تانية لحد البطيخة اللى جايبها عم مرسى لاولاده وخايف لاتقع من الاتوبيس , وفى الواقع انا اتمنى ان تكون حياتى فدا اى حياة تكون احسن منى , ده الشئ الوحيد اللى يثبت ان الواحد جه الدنيا وعمل حاجه

ليها فايده خاصة اننا كده كده اصلاً اموات

إنسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟

يوووووووووووووه كتير جداً موت أصلاً , انا قبل ما انام بقتلى قول كده 5 ولا 6 , كل الناس المؤذية اللى بتزود التعاسة وتخلى الناس حزانى مقدرش اصلاً انام الا لو قتلتهم كلهم , لكن فى الحقيقة الحقيقة اقتل حد ويتحمل ضميرى ده ولا اجروء أصلاً , يمكن شخص واحد فى حياتى كلها اللى لما كنت زمان بفكر فيه كنت بتخيل دمه مرمى على الارض بس مش ميت , ومالكش دعوة اصلاً هو مين .

ما هو:اسم أجمل كتاب كتبه بشر قرأته ومحتفظ به حتى الان؟

كتاب فيرونيكا تقرر ان تموت طبعاً طبعاً طبعاً وشايلاه فى مكان خاص جداُ فى اوضتى ومش ممكن اطلعه ابداً بره البيت , رغم انى قريته مرة واحدة بس لكن حافظة منه مقاطع معينة لأنى تشبعت بيه بصورة مرضية , وده حيبان فى البوست الللى كان المفروض اببلشه النهارده واللى مش لاقياله صورة تليق عليه .

التراجيديا الانسانيه بتاع نجيب سرور مذهل اصلاً . كنت زمان بقول كده على ساحر الصحراء بتاعت كويليو بس بعدين فوقت طبعاً لأن عناصر الكون مش حق حصرى لحضرتى .

ورواية رومانسية اسمها الموت حباً , مذكرات السيدة راء بتاع رضوى عاشور والثلاثية المهولة طبعاً , وقصية الهلال باعت ميم البرغوثى ابنها . بس على فكرة كلمة محتفظ بيه ديه يا اخ ياللى حاطط الاسئلة مستفزة لأن المعظم مش لازم المتهم يموت فى الكتاب عشان يحتفظ بيه

اسم كتاب - كتبه بشر برضه - انت متعلق بيه وبتقرأه كل فترة؟

روايات دكتور احمد خالد توفيق , اى ورقة جورنال صفرا حتى لنجيب سرور, وهارى بوتر بكل اجزائه , وكان فيه قصيدة لميم سين اسمها مأساة الحلاج وقصة اسمها ذات شتاء على رصيف ما وقصيدة لشاكال باسم الجميلة والوحش , الاتنين مطبوعين ومحطوطين فى العلبة المقدسة اللى فيها فيرونيكا .

أهم جهاز منزلى أنت متعلق بيه أو بتستخدمه كتير؟

اممممم .. مش عارفه , انا مش بحب الاجهزة اصلا ومش ممكن اتعلق بيها بس ممكن نقول انه المايكروويف لأنى كنت بحط فيه سندوتشات واطباق الجبنة الرومى عشان تدوب .. قبل ما اتمنع منها .

مكان تحس بالراحة عندما تدخله؟

بيت الجدة .. بيت تيته فى البلد رغم انعدام وسايل الرفاهية .. , واى مكان تشع منه حالة الاحتواء , وده احيانا فى بيوت خالاتى واعمامى .

شيء تحس بالراحة النفسية عندما تنظر إليه؟

عنين ماما لما تكون فرحانة بجد وصافية , واى وش مبتسم وياخراشى لو كانت عيلة قزعه , أوبا وسلواعه - محدش يسألنى يعنى ايه اوبا وسلواعه بس مامة روان بنت الجيران بتقول عليها كده - وعيال العصابة كلهم لما تجيلهم حالات الهيستريا ويفضلوا يضحكوا على حاجه عبيطة والناس تتفرج علينا وحد يكلم ويبان فى عنيه صدق حقيقى .

مكان تحس فيه بالحنين الى شيء لا تدرى ماهو و ذكريات جارفة الى لاشيء؟

البحر

اجمل مدينة زرتها داخل مصر ؟

معلش يا رفيق نقيب , انا روحت 8 محافظات تقريبا منهم الاسماعيليه بس بجد بجد مفيش زى اسكندرية .. ياعم ده بحر الاسماعليه اصلاً زيت المراكب هاريه ..

أجمل مكان طبيعي رأيته داخل مصر ؟

شكل جبال شرم الشيخ , منظر الغروب على بحر اسكندرية .

شخصية كارتونية بتحبها؟

احم احم .. اهو انا مبحبش الاسئلة المحرجة ديه ابداً .. طبعا عزيز عينى وقلبى ( جواد ) من مسلسل سلام دانك بتاع سبيس تون وسعد فى نفس المسلسل , بسام ومازن ووليد وكابتن ماجد من كابتن ماجد , ومازنجر اللى ليه خمس حلقات عندى على شريط فيديو فى نفس الكرتونة المقدسة بتاعت فيرونيكا , الفريدو بتاع عهد الاصدقاء الولد ده كان بطل بجد , فان من مسلسل داى الشجاع , السيد فيتالس و ماتيو من ريمى , وطبعا جمال من فرسان الارض , دورى فى نيمو .

نوع هاتفك المحمول؟

امممم مش فاكرة الرقم بالظبط , لما جم يغيرولى التلاتلاف وحاجه ده قلت لاختى عايزا حاجه فيها راديو وهى اختارت ياستين تلاين يا

تلاتين ستين , وبعد شهر صرخت وانا نايمة وقلتلها الحقى الموبايل ألوان وفيه أزرق وأخضر , انا مش قلت مابحبش الاجهزة !! أوف

سرعة بروسيسور جهازك؟

معرفش ايه البروسيسر ده اصلاً .

حجم ذاكرة -هارد- جهازك؟

فكرت أغش الاجابة من إما أو اتصل بحد من ولاد خالتى بس مش مستاهلة أصلاً , ماعرفش هه

المساحة التى تشغلها المواد الاسلامية على جهازك؟

مش مجاوبة عشان ماعرفش ونوت انتريستنج كمان .. قاضينى

نفس المساحة السالف ذكرها فى قلبك -الإجابة لنفسك عشان الرياء يا اخواننا -؟

ينقص ويزيد , زى البدر , وماحدش بيفضل على حاله وفى الوقت الحالى ويارب يهدينى ويهدى الكل انا بعيدة كتير اوى ومشغولة بفلسفات مالهاش لزمة اصلاً , بس اللى انا متأكده منه اوى , انى بحب ربنا أوى عشان هو حلو أوى وكريم أوى أوى أوى

أهم هدف انت واضعه لحياتك الآن؟

لحد كام شهر فات كنت ممكن أقولك ياعم يابتاع الاسئلة بس دلوقتى الضباب كتير , وفعلاً ماعدتش قادرة أفرق ما بين اللى انا راغباه , ومابين اللى بأقلم نفسى عليه , بس عامة اكتر حاجه بفكر فيها السفر

مواصفات فتى \فتاة الأحلام بالنسبة لك ؟

انه يكون حر .. حر من كل حاجه .. حر من سجاير حطاه فى اسرها , حر من نومة يقدر يحرم نفسه منها عشان ينزل يصلى الفجر فى الجامع , حر فى كل كلمة يقولها , مايخافش ابداً ويكدب أو يهرب ,يكون صادق مع نفسه أوى لأن ده الشئ الوحيد اللى حيخليه يحس بطعم كل حاجه من غير مرارة الرياء ولا الكدب والتصنع , ويفضل يحاول يربيها طول ما هو عايش , يكون بيحب ربنا أوى أوى .. ويكون انسان بجد .

يكون حاجه كده .. حاجه كده .. عارفين نجيب سرور لما بيقول

" ليس فى الارض حبيب كحبيبى , ليس فى الروض حبيب كحبيبى "

مش عارفه احدد حاجه بعينها , يمكن ابلغ كلمة انه مايكونش بطل بس يفضل طول حياته يحاول .. .

صف ما يأتى:شعورك لما بتسمع كلمة مصر ؟

بفتكر ان اختى عندها طقم بتلبسه ليه طرحة ابيض واسود واحمر ورا بعض .

شعورك لما بتسمع كلام عن اليهود؟

بعد الفصل بين اليهودية والصهيونية , بتزيد سرعة الدم فى عروقى واقول لنفسى اصبرى يابت بكرى تمسكى الار بى جى بأه .

شعورك لما بتشوف ظابط شرطة؟

كنا فى محطة الرمل وكان فى ظابط انعور اوى كده , جت نانا جمبه وفضلت ترمى عليه بالكلام ونضحك , بس فى الاحوال العادية بفتكر ايام ما كنت عايزا اطلع ظابط واتجوز ظابط وكانت ماما تقولى حنحط اسمك على الباب عشان الحرامية تخاف . وبفتكر سوكا صاحبتى لما عاكسها ظابط وهو قاعد فى عربيته وفضل يضايقها ولما شتمته خرج من العربية , فلاقته طويل اوى اتخضت وقالت مين اللى حك المصباح . ضغط دمى مايستحملش اكتر وانا بحاول مافتكرش صاحبتى التانية اللى بصت لاقت ظابط فى اوضة نومها عشان قضيه هما اصلاً مالهمش دعوه بيها ... يعنى , واشياء من هذا القبيل .

شعورك لما بتشوف الكناس العجوز فى الطريق؟

بسأل نفسى ازاى راجل فى السن ده ومالوش ولاد ياخدوه عندهم , وارجع واقول ان فى اهم من الايتام فى مصر بس احنا حنفضل عقول

استمبات

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده

المصحف؟

بقول ماشاء الله وادعى ربنا يكون بجد مش كده وكده , وهو حر فى طريقة تقربه من ربنا .

إحساس يراودك فى إشارة مرور مغلقة بسبب مسئول كبير؟

بقضى الوقت فى تخيل الطيارة وهى هربانه من هنا .

امرر التدبيسة لـ

نانا

بقايا بقايا

رون

بليلة

البت شو

ميراج

اوفيليا

البت اختى لما تخلص امتحانات وتعمل مدونة

شاتى

سروج

احمد السعيد

ولمن دخل مدونتى بقلب نقى وغير ..

سجن ازكابان ..

2007-04-19T03:03:00.000+02:00

حملوهاوانتوا بتقروا

صغيرتى ..

انه انا سجين ازكابان ..

تبحث الديمونترات عنى فى كل مكان..

طريد فى الارض والسماء ..

اعيش فى مكان لا يدخله الهواء ..

ملئ بالظلام .. ملئ بالخواء ..

العودة ذل ..

والهروب أذل ..

حينما كنت هناك ..

شعرك الذهبى بدد الغيوم ..

النجوم الفضية فى رقصة عصاكِ السحرية

ذكرتنى بان خلف الألم المظلم عالم رائع ..

شفتيك الوردية أبقتنى على قيد الحياة ..

بينما يحاولون سرقة روحى من شفتى ..

فقط ضحكتك النقية جعاتنى ابتسم ..

وانا كسير ..

موشوم بالخيانة ..

اسف صغيرتى ..

رغم كل شئ ..

انه انا ..

سجين ازكابان ..

بين الظلام والظلال ..

وداعاً صغيرتى ..

وداعاً يا صغيرى ..

سأتركك ترحل بلا دموع ..

فقط اتركها لى على حافة الكأس ..

و انظر حولك ..

جميعناً اسرى لشئ ما ..

فى سجن ازكابان .

_________

اتركها على حافة الكأس " فى بيت شعر مر عليا صدفة , فيه السطر ده بس اذكر طريقة تانية , لو حد عارف القصيدة نفسها يقولى "

عفوكم ولكنه العنوان - قـــئ

2007-04-04T17:57:00.000+02:00

مقدمة لابد منها

قررت يومها ان اكتب هذه التدوينة , لم أتيقن قط من امكانية نشرها , لكننا ها هنا لذا ..

أولاً

موضوع مقرف شوية , لو حساس/ة بلاش منه عشان ضميرى ما يستحملش ملامح اشمئناط تكون صاحبته السبب فيها

ثانياً

ولو قريت/ى أول كلمة ممنوع تتقال هى " ألف سلامة " لأن اسخف شئ هو اكلشيهات المواقف

ثالثاً

ااحم .. انا كنت فاضية ففلسفتها حبتين

قــــ ـئ

........
متى بدأ الأمر لأول مرة ! لا اذكر بالضبط , ربما بدايات 2005 .. شعور يتأقلم مع حياتك , أو تتأقلم أنت مع حياته , يتبدى , يتجسد
هذا الاحساس بانك الأن , الأن ستتقيأ , ربما يستطيع ان يفاجئ هذا الشعور اى انسان لكن ليس أنا , كان اذا تاخر أنتظره كعاشق احترف الانتظار ..
قبل بدايات رمضان 2005 بأسابيع كانت والدتى غاضبة لسبب لا اذكره , عدت للبيت لأتناول غداء طال انتظاره احد انواعه كان كشرى , واللى فكرنى بذكريات قديمة عن انا ميشو بتاع محطة مصر , بعد الكلية , انا وهى وسلطة البطاطس اللى على شكل وش بيضحك , وكام سنه ماقربتش للمكان ده بعد ما علقت منى عمداً . قررت يومها ان اكتب هذه التدوينة , لم أتيقن قط من امكانية نشرها , لكننا ها هنا ...

انك تنام وماتنامش .

واثقة من ان عقلى شات داون ومع ذلك ظلت مشاهد الغرفة تتغير , يميناً يساراً , يميناً يسارا ً . حتى النهوض, انظر لى فى المرآة لكنى لا أجد الاجابة , افتح الماء البارد عله يخفف ما لا ادريه , اعود لسريرى ساخرة من انذار كاذب , احاول النوم , افكر , اذكر بالتفصيل فى ماذا , وربما بالألوان , استمر فى الرحلة المقدسة والفكرة تتبدد تحت وطأة انذار كاذب أخر , الست الوالدة تقطع خصامها وربما تظن بأنها بهذا تنهى عقابى , تناولنى دواء ما من الذى ارفضه على الدوام , احيانا تتصل والدتى لتأكد من تناولى الدواء , لست الوحيدة التى تكره تناول الادوية وتراها عبودية هه ! المهم بعد معاناة ثارت معدتى لتحقق مبتغاها , تقيأت كل شئ حتى الدواء, ماء بارد بارد - بعد ما كنت حنور من السخونية- نظرت للمرآة اهنئنى بالانتهاء .

بداية

تظن بان الاشياء قد انتهت , لكنها تصبح مجرد البداية , تتكرر الرحلة المقدسة , تتلوى معدتى وتتشنج وكأنه صرع معوى , اشعر بها تحاول لفظ شئ ما , الفظها والفظ انا ميشو , ومحطة مصر بأكملها , ورغم احتبائى على المقعد الاسود بالقرب من البوابة السيراميكية تتشكل فى عقلى الكلمات الى ظنها ابراهيم خليل غزل فى صنبور المياه .

اتردد
بين سرير فى الظلمة ..
وبين الاوهام ..
أترنح ليلاً...
لا أعلم ..
أتقيأ دمـاً ..
أم ألـماً ..
أم حـــــــــــــب .

تبدأ رحلة الاعشاب , التى تقرر ان الحرارة بمعدتى لا تناسب مصيفها , اتجاهلها وافكر , لون غرفتى الجديد بعد انتهاء العَمرَة , أول محاضرة فى التمهيدى , الـ21 , الميلاد الجديد , بالتأكيد سينتهى بدقيقة ما .

جسدى يستصرخ ..
يــــتــــــألــــــــــم ..
أرجــــو الإعــفـــاء ..

لكنه لا ينتهى . صار الطعام ممنوعاً , وكأن ماى استوميكا اصبحت حساسة لكينونة الطعام , اذكر اسابيع من الشيكولاته , السادة فى الافطار , والبندق فى الغداء , و عشاء مزيج من الاثنين ,لا افهم ما يحدث , ولكنى اعتمد على الزمن . صممت والدتى على الرحلة المكوكية لكوكب الاطباء , وطبيب تلو الاخر , اذكر انى توقفت عن العد بعد التالت , واتفقت التشخيصات على الانف والاذن والحنجرة - كانوا مقتنعين ان مع التغاضى عن الحساسية والجيوب الانفيه - هناك من افسد الكونيكشن بين الجهازى التنفسى والهضمى , لكن مفيش فايدة , عليك استيعاب الامر الذى قد يحدث بأى وقت , السينما , أو فى مكتب رئيس القسم , فى اى مكان , عليك فقط ترويضه , تدريجياً اعتاد الشعور الداخلى بالرفض , انها فقط تمارس حقها الطبيعى فى الحب .. والكره .

جائزتى بين الأبطال دوار ..
ومـــــــــــــــــــــــــدار ...
أسقط منه خلف الأسوار ..

الكافيين
كمية رهيبة من الكافيين , بغض النظر عن الكوكولاته, القهوة فى الصباح , والنسكافيه والشاى وربما تعددت مرات الثانى , صودا صودا والمزيد من الصودا , لا اذكر ماذا كنت افعل , يمينا , يسارا , اشعل الضوء , رواية ما , ارميها ارضاً , والتصق بالحائط البارد , رغم البرودة أكاد احترق ..

تجعلنى أتيه ..
كخريف يتدلى متطفل بفصول العام .

هلام احمر
انظر حولى , على الاعتماد على نفسى , لن اوقظ احد , لن اتصل بأحد .. اسبرين , اكره الدواء بشدة , بيقولوا عليه مسكن , اتناول الاولى , اتذكر رواية اللهب الازرق لدكتور احمد خالد , وافكر بانى ساحترق الأن ..
اتناول اخرى و انا لا اعلم أبسط القواعد " الاسبرين اضر شئ للمعدة " وبدأ الحفل واشتعلت الصواريخ فى فضاء الغرفة , وتوطنت بالغرفة السيراميكية , لوحات سيرياليه تحكى قصص لا اعرفها , أفكر قليلاً لأجد بانى تناولت كل ما كان على تجنبه , طالما وضعت خطة لتناول الكافيين , فمالذى حدث ! طالما كرهت الكرامل .. قاسى , اقضمه بقوة فيلتف على اصابعى كأفعى نحاسية من قصة يونانية ,وحين اتناوله يصدر اصواتاً خليعة كدقات كعاب الراقصة , وحين يقرر الاحتلال والذوبان , يترك أثراً أحمق - جوا الدِرس - فلا تسطيع لفظه ولا تقدر على ابتلاعه , أترنح فى الرحلة الابدية بين الابواب , يصمم داخلى على ثورته , ارى الاحتجاج بلون الدم , علمت منذ بالبداية بأنه تطهير , لم يكن طعاماً قط , كل الاعوام , كل الاحلام , أتقيأ من جديد .. سائل هلامى الا من اللون الاحمر .

أتنقل بين ضحايا الألام ..
كُـــــلاً بــالإســـم ..

حقنة مش حتنكسر

نصلى الفجر , وتاكسى للمشفى القريب , مناديل والكثير من المناديل , اليسا تسير على الماء بتليفزيون صغير فى قاعة الاستقبال, كنت واثقة من رؤيتها , لكنى لم اسمع شئ , تركز كل اهتمامى على الطبيب الذى لم أرى وجهه , بالتاكيد يعلم , لأنى لا اعلم , يحاول الطبيب " ديرى وشك " , حاولت اخباره " يا عم خلص " لم استطع الحديث , لأول مرة لم أفكر برحلة الحقنة داخل مليمترات الجلد المسكين , ولا الهدوء الذى سأتظاهر به حين تتحطم الابره بداخلى , تضاءلت كل المخاوف , نظرت اليها كانها النجاة حتى ان اضطرار الطبيب لتخفيف الدواء أولا بدمى ثم اعادته الى لم يلفت نظرى, رحلت محملة بالاحباط " الدكاترة فعلاً عُبط " لا زال الألم" برتقاله افرغوها الا من الجلد الابيض الرقيق الذى اصبح هو الدائرى وانطوى اللون الاورانجى للداخل .

وحدى أجوب عنابر مرضى ..
أتـــــوســل إسـم ..

سرير الوالدة , مشهد عابر لها تجلس متكئة تراقبنى , شهقات , رحلات مقدسة نحو الغرفة السيراميكة ورفيقى الصنبور , رائحة المرض .
ليتحول الأمر لأسوأ ألم , وثورة روح , وشعور ممتع بالقئ يلازمنى مادمت اعيش ... وأخطئ .

لا المرض له إسم ..
لا طبيبى له إسم ..

ولم يعرف الاطباء ما يحدث , حتى تفتق مخ احداهم على " المنظار " احد اشكال الانتهاك , حقنة تخدير لم تخف عنى الاحساس بالشئ الذى اخترق فمى ليطوف بمعدتى فى استكشاف مؤلم وجارح , فى المرة الثانية لارتكاب هذا المنظار بحقى لم اشعر بشئ وادركت بان طبيبى الأول احمق , لكنها المرة الاولى , دوماً الاصعب , لا تعود حياتك بعدها كما كانت ابداً .

ونـهـايـة أمـرى ....
بـقـلم الحُمـرة ...
جــــثــــة بـــلا إســــــــم .

تاج

2007-03-28T15:52:00.000+02:00

تاج من يحى .. يمكن لحالة ثبات عقلى مش فاهمة علاقة الموضوع بالتاج , خاصة ان كلمة تاج بترن فى عقلى تاج محل, ما علينا ..

فرصة لطيفة لإجبارك على كتابة ما يريده الاخرون فى المكان المخصص لما تريده , افتكر ان ده تانى واحد وصلنى , شو سألتنى مرة أظن كان " ايه اللى بيخليك سعيد " سؤال حسيته مضحك جداً , فى اوقات ممكن لو حد قال سمكة تضحك جامد جداً , اختبرنا الحالة دي لأخر مرة من اسبوعين ,او انك تكون سعيد لأن مفيش حاجه تخليك حزين .. حكم العاده يعنى , الاشياء السعيدة لم تحدث بعد ,

مش عارفه ايه اللى فكرنى ,

نيجى لتاج يحى اللى مش تاج محل

____________________

هل كنت طالب شاطر فى المدرسة ؟

اسئلة محرجه جداً , بس للى بيتحرجوا بأه , لأ , عمرى ما كنت تلميذة شاطرة .. امممم .. مش اوى يعنى ..

: فى ابتدائى

كنت فاشلة مع مرتبة الارف , كنت مطلعة عين اهلى ومدرسينى فى المدرسة والبيت , اعتقد انى الوحيدة فى العالم اللى جابت ملحق فى تانية ابتدائى , كنت مزاج جداً , حياتى كلها كانت لعب وبس اكتشفت بعد كده انه كان لمجرد انهم بيمنعونى منه , دايما عايزنى اذاكر اذاكر ومش راضيين يخلونى العب مع العيال , ولذلك قضيت كل لحظة فى ابتدائى بحاول العب , مش فاكرة امى بدأت اقرا واستنى بابا ييجى بمجلة علاء الدين وسمير ,وادهم صبرى بس عملنا مكتبة فى الفصل , والميس عملتلى جواب استدعاء ولى امر لما طلعت مجلة ميكى الكبيرة من كتاب العربى فى الحصة , وتقولى وانا اللى فاكراكى بتذاكرى , الغريب انها كانت بتحبنى أوى ,يمكن الوحيدة من مدرسين ابتدائى , هى وميس فى الحضانه أظن اسمها ميش نشوى اظن برضه بس لما كنت بشوفها كنت بجرى اسلم عليها , ومش فاكرة ليه .

فى اعدادى :

جبت الملحق التانى فى نفس مادة الملحق الاولانى , كان فخر طبعاً للمرة التانية بجيب ملحق فى المتحان عبيط , لكن ماكنتش اعرف انه عبيط , كان على درجتين ولا حاجه مش فاكرة اوى , المهم بدأت فى تالته اعدادى أقول هه .

ثانوى :

أولى كانت مرحلة انتقاليه لأننا كنا نازلين من بلد عربى بدل ما ننزل على كايرو اللى احنا كنا فيها نزلنا على اليكسا بعد ما نقلنا , كنت مكتئبة جداً , وتتويجاً لماضيا فى المذاكرة كانت النتيجة سيئة فعلاً .

سنة تانية بدأت افهم اللعبة وبقالى اصحاب وكنا بنذاكر مع بعض فى الاخر , بس مفيش فايدة كنت جايبة وبلا فخر 64 % , وكانت مأساة اغريقية فى البيت وفى العيلة , ومحدش قدر يفهم ليه اجيب فى العربى درجه عاليه والباقى زفت .. مزاج بأه .

تالته اضطريت اسفة انى اصفى دماغى للمذاكرة وبس , اصحابى كانوا بيخبوا منى الروايات ويعملوها هديه " لو خلصتى فصل الجيولوجيا " تاخدى روايه , وهكذا .. بعد ما تخطت ماما الـ 84 % بدأت تهزأنى تانى , طب ما انى بتفهمى أهوه .. كنت جايبه درجات عاليه برضه فى المواد اللى بحبها بس والباقى بيحترم نفسه .

فى الكليه :

كنت ممتازة جداً , ومن شلة العيال الشاطرين اللى بتتصور محاضراتهم وتلف على الدفعه كلها وطول الاربع سنين بحاول اجيب امتيازايه واحدة ماعرفتش غير فى اخر سنه , بعد ما عرفت ان تقديرى العام جيد جدا وروحت الكلية انذهلت لما لاقي كل موادى امتياز ماعدا مادتين بتوع دكتور واحد .

أحب مادة , أكره مادة ؟

أكره مادة

الرياضة

انا بكره الرياضة والحساب , ولى الفخر ان عمرى ما حليت مسألة قسمة مطولة فى حياتى كلها غير واحدة بس مش عارفه حليتها ازاى , وماما ماصدقتش وقالت عليا غشاها .

انا بكره اى حاجه فيها ارقام ولو 1+1= .. وساعة ما حد بيتكلم عن ارقام قدامى بدوخ وبفقد تركيزى كله , ومش بس عشان كل مدرس ومدرسة رياضة فى حياتى كانوا دزمة ماعدا ميس نهلة فى اولى اعدادى , لكن يبدو ان نصف المخ الايسر تقريباً بايظ عندى لأنى برضه مش كنت بحب الانجليزى ( مادة الملحقين ) فى ابتدائى ماكنتش بحضر فحصلت على الاول , وفى اعدادى كان عندنا مادتين انجليزى , واحد عادى والتانى كان مستوى رقيع " رفيع يعنى " بيطبق لأول مرة علينا والملحق التانى كان فى الرقيع طبعاً كان اسمه جيرنى اون كورس .. لكن انا استحمل اى شئ الا الرياضة والحساب .

فى الكلية كانت المواد عادى على حسب الدكتور , لكن فضلت اكره الرياضة , وكل واحد علمى رياضة رغم ان مامتى و اختى ووالدى واصحابى كلهم ماعدا اتنين و90 % من قرايبى علمى رياضة .. لكن سبحان الله فيهم سينس مادية حياتى بشع ... احم المهم بدل ما نعك أكتر

أحب مادة

العربى ما عدا النحو , طول عمرى اموت فى العربى ماعدا النحو , كنت بموت فى حصة التعبير والقراءة , والنصوص , حصة النحو كانت دايماً خنقة بس مش كنت بكرهه أوى , لحد ما اتعرفت على الفرنساوى فى اعدادى , مادة تحفة جداً كانت حلوة اوى وكانت الدموازيل دايماً تعلمنا اغانى بالفرنسى, كنت بحبها أوى وكانت بتحبنى , ولما شافتنى مركبة ضوافر قص ولزق كإعلان عن الانضمام فى " جمعية المرآة المتوحشة " اتكسفت أوى , عامةً كانت اى مادة احبها عن طريق مدرسها . ماعدا العربى , وروح قلبى " الفلسفة " علاقى بيهم عاليه اوى انا مش كنت بحب المادة دى لأ , الحب كان يتقلص جمبها , انا كنت بسمع المنهج كر , ورا بعضه , يمكن ما عدا " الاجتماعيين الوضعيين " بس المادة دى كانت بلسم يرحمنى من ارف الثانوية العامة .

احب مادة فى الكليه

الفلسفة برضه

تاريخ الفكر الاجتماعى

علم النفس الاجرامى

بعد التخصص

علم اجتماع الادب

تحرير صحفى

وكالات انباء

يااااااه ايام

كنت عايزة تطلعى ايه وانتى صغيرة ؟

كان نفسى اكون ظابطة بوليس , وبعد ادراكى لاستحالة الامر , صحفيه , ومدافعه عن حقوق الانسان .

أمرر البتاع ده لــ

نانا
شو
ميراج
رون لما ترجع
بليلة لما تفضى
بقايا
شا - تى
سراج
احمد السعيد لما يرجع من الجيش

ولمن دخل مدونتى بقلب نقى و غير

لحظة ادمية

2007-03-19T18:53:00.000+02:00

تحرير القدرات الشجاعه الطائشة فينا

قابلته واصطدما على درج احد محطات القطار.. اعتذر لكنها استوقفته ..

"اعرف اننا لم نفعل هذا من قبل .. اصطدمنا وانتهى الامر , لا اريد ان اكون كالنملة الشغالة ,نعبر دون ان يكون هناك شئ ادمى بيننا , اريد لحظة ادمية , اريد ان اراك وترانى , لا اريد ان اتحول لنملة شغالة "

( walking life )

والنص غير كامل walking lifeمن فيلم

******

ملل ملل ملل ..

تركت صديقة ملولة اخرى رفضت مشاركتها السير .. تتذكر طعم الموكا بالشيكولاته .. تقرر المسير وحدها حتى الشعور بالتعب , مازال الوقت باكرا على العودة لطقوس البيت الليلية , والاستعداد لختم اليوم ليبدأ اخر .. تسير , تسير .. تعبر الترام وهى تتسائل , ماذا يحدث ان توقفت لبرهة امام القضبان .. لن يحدث شئ .. امر ممل اخر .. تغرق كفيها بجيبيها فى ملل وتكمل المسير ببطء شديد وكأنها تتنزه على الرصيف .. شئ احمر يلتمع فى فاترينة ما .. تراه وتكمل المسير .. تحاول تذكر ما كان ولكنها تفشل .. تحاول المسير على حافة الرصيف مربع تلو الاخر .. مثل العمر ..

تلتصق برصيف المنطقة العسكرية .. ربما يصرخ جهاز الاستشعار الحرارى قفتحول المنطقة الى منطقة امنية وتنطلق صافرات الانذار , لتقف رافعة يدها فى الهواء تكتم سخريه مريرة .. .. منذ متى كفت عن مراقبة الحياة على وجوه العابرين .. لم تعد تذكر ..

" لو سمحتِ .. لو سمحتِ "

تجاهلت النداء ويديها تغوصان بعمق جيبيها اكثر .. تفكر بألا تفكر أن تفكر

" لو سمحتِ .. لو سمحتِ "

لم تتوقف , ولكنها التفتت نصف التفاته

" نعم "

" اروح ونجت ازاى "

" اطلع على البحر , ويا يمين يا شمال "

"الا تعلمين ؟"

" المحطات فى اسكندرية متقاربة بشكل مستفز "

" لست من هنا , جئت لاستلام عملى فى البحر , ولكن مبكراً جداً , اتخمنين عملى !! "

تفكر .. لا بأس

" ظابط بحرى بالتأكيد "

تفكر .. اكرههم اكرههم اكرههم

" والسبب "

" لن يعطوك وظيفة السمكة "

ابتسما ..

" انا زهقان "

" ليس اكثر "

" ابحث عمن احدثه فى الطريق , بعد انتهائى من جميع افلام السينما وحدى "

" من لا يشعر بالملل , إناس يبحثون عن الحقيقة , واخرون عن الحياة , والنهاية واحد .. لا شئ , رأيت فيلم بأسم واكنج لايف .... "

" امر طبيعى , ................. "

جلست تمارس عليها الاستنطاق كأى صديقة تحترم نفسها

- وبعد ؟

- لا شئ

-ماذا حدث ؟

- ظللنا نسير ونسير , كاد يسقط من التعب ولكن الامر لم يهمنى , مررنا على تمثال الاسكندر الاكبر , لم يفهم حرف من النص المكتوب خلفه , لم يكن ليستوعب اصلاً مسمى ما فعله , لم يفعل الامر عفوياً , رغبة فجائية بأن تفزعى اول شخص يقابلك بتحرير رغبات دفينه , مثل اثبات رؤيتك له , شعورك الانسانى به .

" لاحظتك منذ مرورك "

" ........ "

" تقابلنا وجهاً لوجه , ثم تبعتك تتوقفين امام فاترينه لم تلاحظى فيها شئ "

- وهذا سئ !

- لم يكن ما اتصوره فقط , للتقارب الانسانى شعور ارقى .. لا اعلم لكنى لم أبه , ورغم كل شئ .. كان الامر .. مملاً

" لأول مرة ارى فتاة تفكر هكذا "

" اعلم "

" لديك فكر غريب "

" اعلم "

" عنيكى حلوة "

تثاؤب

" اعلم "

- يعرف سمعة كرموز عن المخدرات ولا يعرف ان عمود السوارى يقطن هناك , يعرف بحرى لكنه لا يعرف عزة .. يظن بأن ريتشارد جير بطل فورست جامب

- هل يبدو ما حدث مقنعاً ؟ ويستحق التنازل عن مبدأ

- لا يبدو مقنعاً , لكنى فكرت كثيراً بأن الحياة ربما كانت فعلاُ مجرد حلم , او ربما اكون بلحظات ارتحال حلمى .. مررت يوماً بحلم شبيه لهذا بالضبط .. ولكن احساسى فى الحلم كان اروع من الوصف عكس الذى حدث وانا متيقنة بان يدى هى يدى وانى اسير على ارض حقيقة .. لا اعرف .. لا شئ يبدو مقنع ... حين انتهى اليوم وتأكدت بان ما حدث كان حقيقة , ادركت بأن والداى لن يسامحانى على الاغفال .. لا اعتقد بانه مقنعاً ابداً .. ولا يستحق بالطبع التخلى عن الصدق .. لكنى اخترت الا املك قرار الرفض .. اردت رؤية الحياة تسير كما تشاء , بلا افكار مسبقة ولا رفض أو مبادئ وقوانين .

" اسمك فقط "

" لا "

" اكذبى بأى اسم "

" لا"

" خذى رقم هاتفى اذن "

" لا "

" لن اسألك فى اى سلة سترميها "

" ولماذا اجعلك تنتظر مكالمة لن تأتى ؟ "

" اقبل"

" وانا ارفض "

- وبعد ؟

- لا شئ , لم استطع التملص الا بعد تسجيلى لرقم لن اتصل به ابداً , وبعدما عرف اسمى من اول محاولة بعد اعطائى الحرف الاول

- شعورك ؟

- .. كالعادة .. لا شئ , اعتقد بانى اعيش لحظات برزخية بين الموت والحياة .. اى اراء اخرى !!

- لا .. واحمد الله على هذا

الفيلم فعلاً اعجب من الخيال , قناة الأم بى سى دايماً تجيبه الساعه 2 بالليل , مش عارفه حد شافه ولا لأ , بس لمريدى الفلسفة الفيلم اعجوبة .

نأنأة

2007-02-19T18:44:00.000+02:00

الانسانية العـظيمة

تنأنأت الأرض بها

فـــــ

ابتلعتها

***

الحياة !!

2007-02-19T17:28:00.000+02:00

زى حياة الفراشات يوم وتفوت

يا نرفرف بجناحتنا بعيد

يا مطرح ما نتولد

نموت

***

هو اليوم يكفى بس الرفرفة انما الوصول ماعتقدش , الاقتراب ... كمان ماعتقدش .. الاكتئاب .. ممكن كمان ماتلحقش الرفرفة . للأمانة مش ده الشكل الاصلى للصورة , فيها تغيرات صغيرة أوى .

مفيش

2007-02-13T02:21:00.000+02:00

مش عارفه ليه جوايا حاجات كتير ..

بس كل ما اجى أقولها ..

تطير ..

ده طعمك لما تكون ..

.. مفيش

ليلة امس .. بلكونة ورقاقة بالسكر

2007-01-26T00:14:00.000+02:00

ليلة امس

ليلة امس تعمدت تسجيلها على الورق لأنى اردتها فى الهواء الطلق .. اكثر حرية منى

صليت العشاء ولأنى ادرى الناس بى .. لم ادعو الله كالعادة بأن يسكن عقلى وقلبى ليهدأ فى هذه الساعه المتأخرة .. اطوف بالنت بعد فترة انقطاع لزيارة بيت الجدة العزيز .. منتديات .. لقاء معرض الكتاب السنوى والاسطورى , تجمع 100 عضو واحياناً اكتر او أقل زى كل سنة .. اتجاهل التفكير فى معاد حجز التذاكر من سيدى جابر .. بابا وماما ومواعيد العودة المقدسة , وسفاح المعادى السخيف اللى حيخلى بياتنا فى القاهرة مستحيل .. مدونة الرفيق شاتى و السنيور كينج توت - حلمت بيهم بالليل بالاضافه لتسونامى وبابا مش راضى يخلينى اشترى معرض الكتاب – ربما كان هذا تأثير مدونة الرفيق تامر المرعبة والمليئة بما لذ وطاب من اصناف اللون الاحمر والاسود والتى لم استطع التجول بها حفاظاً على العقل الباطن الذى يلهو اثناء النوم .

حاولت فعلها مرة ثانية لكنى فشلت .. كالعادة , وهذا يثبت بأنى حين فعلتها فى المرة الأولى لم يكن الهدف امتلاك شجاعة الفعل . شقتنا فى الدور التاسع وحتى فترة مضت كانت المكان الوحيد الذى استطيع ان اقف فيه بدون هذا الشئ السخيف الذى ليس فوبيا ولكنه توتر من المرتفعات , اهها .. طالما كرهت كبارى القاهرة وكأنى معلقة بين خيوط عنكبوت لا أعلم متى يفلتنى لألمس الارض مجدداً .. اختفى التوتر فجأة مثلما بدأ .

يومها شعرت بخفة مخيفة .. جلست على جدار الشرفة وانا انظر للأسفل واختلس النظرات الى الداخل حتى لا تفاجئنى والدتى , بدأت باخراج ساقى اليمنى .. وفقط .. ظننت بانى ان ركزت قليلاً فقط .. ممكن اطير .. مش بيقولوا السر فى الارادة , ولازم تصدق انك تقدر .. اوكيتا .. كنت مصدقة اوى لدرجة انى شوفت السحاب حواليا .. وشوفت كل مكان نفسى امر من فوقه .. ولأول مرة افتكر ان اوائل قصاصاتى كانت " ارواح هائمة " ..

لا اعلم لماذا ترددت , لكنى فشلت فى معاودة الأمر .. الساعه الثانية والنصف ..لا احد فى النوافذ قد يصرخ ويشتت نرفانتى الغالية ولكنى لم استطع .. ظللت متمسكة بالجدار بكفى .. وفقط .

ركضت نحو المطبخ .. رقاقة من الفريزر – حاجه كده شبه العيش من بركات بيت الجدة - , قطعة زبدة , سكر , وكوباية شاى بلبن ازاز طويله وتالات معالق سكر .. اعرف بان معدتى الحمقاء ستعترض .. لكنه السكر البديل الوحيد للطيران ...

منيرفا بانتظار جناحين

ونرجو من الاطفال عدم تقليد الحركات الخطرة , كل واحد ونرفانته بأه

فى يوم ميلادى

2007-01-07T22:19:00.000+02:00

فى يوم ميلادى

مازلت مصممة على كتابة هذا البوست رغم المحاولات الفاشلة لفعل الأمر .. بدايةً من اختلاف الحالة النفسية ألف مرة فى اللحظة الواحدة , حتى كتابة أحلى بوست يطيره البلوج اثناء النشر

ديسمبر .

. اخر شهور العام .. يوم ميلادى .. برج القوس الشنيع, وكوكب المشترى ..القوة...الحيوية.. حظ الابراج مجتمعة .. ولا يعطيك الفرصة الا لبداية عام واحد جديد ..

اتممت ال22 وايام .. لأول مرة اشعر بأنه لا فارق بين عام واخر .. يتصل الجميع ليهنئنى على عام ماضى .. اكره الامر ولولا انى اكره ايضاً ان أنسى من قبل اهلى واصحابى لتمنيت ان ينسوا العام المقبل .. اكره حين يرن الهاتف " ايه بأه اللى حققتيه السنة اللى فاتت وناويه على ايه فى السنه اللى جاية " كأنى فى برنامج توك شو سخيف .. ورغم كل شئ إلا ان البسمة الغبية ترتسم على وجهى وضحكة عالية معتادة لأكرر أكلشيهات .. ويستمر العرض طوال اليوم .. كان السؤال الاسخف هذا العالم " حتحتفلى بيه ازاى ؟ " اضطررت لرد لا يمكن كتابته هنا , افتقدت صوت جدتى واحلى تهئنة .. " السنه اللى جاية تكونى اسعد " .. عادت جدتى وعاد البيت الكبير يمتلئ ضجيجاً .

طالما كان صوت منير و فيروز هو الخلفية الاساسية لأعوامى السابقة منذ كان والدى يبحث عن الاغنية لأسمعها فاصمت واكف عن الضجيج 0^0 شجر اللمون دبلان على ارضه 0^0 .. استيقظ فى الصباح ككلمة تمطها داليدا وتنهيها بانكسار .. بخفة احياناً .

كلما ظننت بانى مللت الحياة أفاجئ بأنى احبها اكثر .. وكلما ظننت بانى لن اتحمل اكثر أجدنى أستمتع .. نعمة الأمل كما يقولون .. يحسدونى احياناً على استيقاظى مسرورة لأنى مسرورة .. غنائى فى الصباح ودغدغة والدتى لأجل ومضة حلم بقرط يعجبنى ولم اشتريه .. عشقى لكرسى المائدة بمربعاته الصغيرة .. مراقصتى لصورة بحجم الكف .. مصافحتى لرضوى عاشور وتميم كل مساء على غلاف ( أطياف ) ..

الصورة بأسفل

جلست امامها ساعات وساعات .. اتأمل كل تفصيله .. كل قطرة دم .. كل سبب .. سمعت ارتطامها بالارضية الباردة .. عيناها تراقبان العنبة التى تكف عن التدحرج .. على هاتفى النقال حوالى 5 رسائل تحتوى كلمة واحدة ( عنب ) اكثر من شخص رأى الصورة يوماً أو قرأ الاقصوصة .. كانت هديتى بميلادى فلم أجد افضل منها يذكرنى باعوامى المتدحرجه تلو الاخرى .. تمر الايام كالذكريات .. تحاول التمسك بها لكنها تتسرب بخفة وكانها اصابع تنفلت من اصابع اخرى .. زهرة تظل ترويها , وتظل ذابله .. او شخص مات منذ اعوام ولم تعد تذكر منه سوى اسمه .. 9 , 10 .. مدرستى الضخمة كمدرسة هارى بوتر .. 15.. ..جيجى و داليا .. 17 .. منتديات .. اصحاب اكتر .. رون وبليله وايما وفيرا .. اصحاب اكتر اكتر .. كليه ودكاترة ..20 .. تليفون فى ساقية الصواى " مبروك .. تقدير عام جيد جداً ".. 21.. عام المتعه .. المنبر .. الزجاج السميك .. الامل والمستقبل.. العلم .. الجبال ..العالم .. الكرة الارضية ..22 .. وأول رقصة فى قلب الشارع .. شدة شعر لبنت ماشية على خط بحر .. ومهرج يطلع فى الاخر بطل اللعبة وسقراط مشنوق عشان وهم اسمه المنطق .. 5 ساعات على التليفون .. سقراط احمق .. والعنب العنب

العنب .. اذنى بفمى وانفى بكفى .. ومفيش غير ربنا حقيقة ..

احب الحياة ,وسأظل احبها ,احب اعوامى الماضيه .. لا اخجل منها لأنها جعلتنى ما انا عليه .. وحين تنسل العنبة الاخيرة .. النفس الاخير .. اتمنى ابتسامة رضا على ثغرى .. سعيدة .. واشفق على كل من لم يتعلم معنى الحياة .. وارثى لكل دقيقة لا يقضيها قلب فى الحب .. الحياة .. الطيران ..

ولا بأس بأمل وهبى تصرخ

لا اقـبـل حياة مُرة ولا اعيشها مضـطـرة "

حلمى البسيط مش مستحيل خيوطه فى ايديا

مهما يالـيـل تـقـدر تطول انا حلمى فى عـينيا

"ع الــمـاضى مـش اسفـة ولا م الجاى خـايـفـه

كل سنة وكلكم طيبين وأحلى

وكل سنة وانا اسعد

عـنـب .. اهدائى لى

2007-01-05T03:25:00.000+02:00

عـــــــــنـــــــــــب

________________

نظرت فى المرآة إلى هدية السماء بعينيها , طوقت الجديلة الذهبية بشريط ألوان من الحرير, وفى المخمل الأحمر .. أعادت الأساور المرصعة بخير الأرض تتجنب الرنين الحى ابتسمت للغرفة المنعكسة فى المرآة .. أدارت ظهرها .. رحلت ..

- لكن بالخارج مذئوبين .
- لا فرق .. مدينتنا أيضاً غابة .. القسوة فى القلوب دفينة ..
- وجوههم منفرة .
- علمتنا الجميلة البحث عن الوجه الأخر .. الوميض المشع يشى برتوش مختبئة.
- أعجب كيف تتحملين وطأة أفكارك !
- وأنا أعجب .. كيف تجاهلت من قبل وخز علامات الاستفهام .
- أرفض نزهتك خلف الأسوار .
- ليست نزهة.. بل بحث عن ما أبغى .. حين أطل من السور سألته .. ما خلفه ؟ تبسم .. خلف السور حياة .
- سر الحياة لدينا فى الشمس .. حين تطل تعطينا بأمر الله الروح.. تغيب لتترك أمل العودة .
- سر الحياة لدينا ... فى العنب .

راقبته يحتضن نفسه.. يضع يديه فى جيبيه .. ويرحل .. خجلت من سؤاله عن مكان حقل العنب .. انتبهت لترنمه ..

ده عنيكى دول مرايات مرسوم انا فيهم ..
يا ضيعة الحكايات على اللى انكتب فيهم .

عادت الأرجاء تفكر مليا فى .. من .. خلف السور .

- ولم تحرقه نار الأسوار ؟
- ربما كان أقوى منها .
- وعن العنب تبحثين ... أم صاحبه .
- ؟ عن سر الحياة ... ومن يصاحبها .

أطفأت وصديقتها الضوء بهن بأردية السواد .. وخرجوا فى بواكير الظلام .. رغم العلم لديها كانت تخشى أن يكون الهواء .. ملوث .

- انظرى الشجر لديهم عقيم .. خالٍ من الزهر ...
- ... قد يكون موسم الموت لديهم .
- هل كان مذئوب ؟

( كنز الاقزام التائه فى عينيه )

- لا .
- لماذا ؟
- ربما رغم كل شئ لا يوجد خلف الأسوار مذئوبون .... إنصتى .

دا اللى انكتب مفروط يا عنقود العنب..

- حقل العنب ..

واللى انجرى غنيوة بس قصيرة..

- يحكى له عنى ..

مشروخ يا ناى ماتغنليش .. زعجك واجعنى وانا ماكافانيش..

- حزنه يقبض صدرى ..

تركت يد صديقتها , ركضت بين الأشجار ... نحو الترنيمة ..

كثُرَ المذؤوبون عند الجزء الغربى من السور ... و خلفه كثر الأخرون ..
حلق الجميع يشاهد ..
وقفت داخل جسد السور الأحمر , لم تحاول الخروج إلى أى جانب .. بل لم يعرف أحد من أى جانب أتت .. فالملامح.. كانت تذوب بالزهرة الحمراء فى السور ..

- أعطاها عنقود العنب .. كانت ليلة قمرية .. وكان موسم التحول .. حين عرفت سر الحياة لديه سقط العنقود الأحمر .. انفرطت حين انسلت منها الحياة .. ولم تسمع أبداً بدء الترنيمة ..

مانيش اخر حبيب يدخل مدينتك .. ولا حتكونى يوم اخر حبيبة

واعتزل البدر

2006-12-06T03:27:00.000+02:00

الى كل البطيخ الممزوج برائحة الذكرى .. روائح الماضى التى تفوح من تذكارات حياتنا .. فشلنا المعلق على ابواب التجارب .. أوهامنا التى تأسرنا لأنها ابسط من اواقع .. أجمل .. وأكثر استحالة , الاحلام التى تعلقنا فى خيوط ذهبية لعنكبوت عبيط ..

وداعاً لقد ..

اعـــتــزل الـــبـــــــدر

لن تأتـى الـليـلـة يـا قـمـر ..
قد أفشى لك الطير السر ..

لا تغضب مـنـها إذ رحـلـت ..
بـخيـال الـظل ومـا سرقت ..
نبـض الـقـلب وشـهـقـاتـه ..
ونجوما سبقـت خطـواتـهـا ..

قد مَل البدر هُرائات البشر ..

الحلقة الأخرى حذرنـى :
يــــقــــتـــات الــعــشــاق ..
من ضـيى أساور تجمعهم ..
وأغيب بصورة حـب راقـص ..
يلقى بظله على جسدى ..
وتـمـر الأيــام .. وأشـتـاق ..
لخـطوات وألـحـان الرقـصة ..
مـن قـال بـأن الـبدر يـعـود ..
ليــجـمـع لـؤلـؤ مـكـسـور !

دومــاً فــى الـــعـــودة ..
بـجوار اللؤلـؤ والأشـلاء ..
فتات أساور من مــاس ..
تباع بلا ثمن أو أسواق ..
لم يـبق على جسدى ..
ســوى حـجـر يـشهـد ..
أن كـانت يوماً هنا قـصة ..

ثـــــــــــــــــــــــــــــــــم......

لم يــبـق سـوى جـــرح القــــصـــة ..
لم يـــبــق عـــلـــى ضـــــــيــــــى ...
ســوى مـدفـن لـبقايا أساور ماسية ..
أعـتـزل الأبيض و سمائى و نجومـى ..
وأعارك شمس كانت تكليل لمهامى ..
صارت كشفاً لجروح تؤلم قلب الـبــدر .

***
قــد ألــقــى الـــبـــــدر بـــأخـــر إنـــذار ..
وســـيـــســـقط مـن فشلــه ويــنـهــار ..
وسنتقفى الضى القمرى خلف الأسوار ..
فى ظلمات كهوف يستعمرها أكل بشر ..
أو أخـر يهديه إلى ملك الوثن

... أحـجــار

لن أفعل مـثـلـك يا بــدر ..
سأظل مكانى ولا أغادر ..
قـد تـأتـى عـنـا بـاحـثـة ..
لن أتركها بـيـأس قــاهــر .

***
الــبـدر الـشـاهـد يــعـــلـــم ..
لن تجنى سوى صمت جائر ..
إنـتظر بأملك فى تلك الأرض ..
جـليــداً من قلب الشـمــس ..

إنــتــظـر...

أن تــــتــرك جــنــيــة مـحـارتـهــا ..
لتعشق مــارد يهوى صيد الـبـحر ..
ويزخرفه على الحائط كعلامة نصر ..

إنــتــظـر...

الجنـية تفلت منه بـعـقـد الـلـؤلـؤ ..
ان تهرب بالأحلام من ظلم البشر ..
وتعود إلى الـعمق .. و أمـان محار ..

إنــتــظـر...

إنـتـــظــر الأعـوام وشـيـــب الــقـلــب ..
أن يأتى المارد معتذراً عن سوء العقل ..
أن يـحـمـل زهـراً أبـيـض يـقـبله الـبحر ..
فــالــمــلــح عـلــى الــجــرح ألـــيـــم ..
والـــــمـــــــارد وأد الـــــتــــرانـــيـــــم .

البدر الـشاهـد مَـل هـُرائات البشر ..

سيغوص فى البحر بلا عودة ..
وجــهــتـه مـحــارة جــنـيــة ..
زارتــــه بــلــيــلة قــمــريــة ..
وثـــقـــت فـــى الــــضـــى ..
وخـــــــــــــــان الـــــكـــــل ..
وسُرقـت أضحية الـجـنـيـة ..

غـــــاب الرقص

جـــــــف الزهر

اخــتــفــت الألحان

قد مـــــــات الــبـــــدر

بــــيــت الــجــدة

2006-09-05T00:00:00.000+03:00

بـــيـــت الـــجــــدة

ـــــــــــــــــــــــــــــــــــــــــــــــــــــــــ

فى بيت الجدة كلب الجارة ينبح دوماً فوق السطـح ..
تفترش الأرض الإسفلتية لتشكل حلوى بهيئة نسر ..
لا تـشعـــر بهـواء بـارد يـخـسـر دومـاً حـربـه مـعـهـا ..

***

أخذت منا الجدة قديماً عــهــد ..
حين نكون بعمق الدنيا لديهـا ..
لا نٌدخل وسوسة الـشـيـطان ..
لكنا بلا عهد هذا ما كنا نتمنى .

***

ساعات نتجاهل فيها حتى الأحلام ..
ودقيقات تنسينا من الأفكار جَهدٍ و زخام ..
فـرح كـالـبرق يـدوى داخـل أربـع جـدران ..

لا تتخيل إن جنون البـيت لـوهـلة يـسكن ..
البيت المتمايل يختال على بيوت الجيران ..
وجن صغار تتعثر خطواتك بهم بكل الاركان ..
صخب وبالون أحمر فوق الشيب أجاد الطيران ..

تتنكر أثـيــنـا وإيــزيــس بـجسد الـجدة ..
ننسى بعمق الجذر لديها كل الجزئيات ..

***

أما فى هذا اليوم ...
إشتقتك فى عين الـجـدة .

***

ظِـل القمر المـترامى يضئ الجسـر ..
يجذب من أسفله الماء قليلا فيبللنا ..
مرح الأطـفـال حـول الـنـار الـوهـمية ..
وجه الجد المتغضن دوماً بالترحيب ..

***

ارقب نجمة..
تسخر منى و تهتف باسمك ..
تـلقى بحـجـراً مـن كلـمـاتـك ..
أغضب وأعاتبها وأغار ..

لها كانت أم لى !

***

عند الجدة ...
غرفة لطير بطابق أعلى نلهو معه كل نهار ..
نسرق بيضه ونسابق إلى أسفل كالإعصار ..

عند الجدة ...
ديك أحمر يوقظنا ليصلى بنا الـجـد .

عند الجدة ...
برج حمام يرسم فى العودة شكل البيت ..

***

سألتـنـى حـيـن رفـضـت الـلـحم المطهو ..
من أجلك يا جدة سرت نباتية ..
ضـحكت حـتـى كادت تشهق ..
يعيش دجـاجـى لإيـلام الأرض !

جمعتنا فى حلقة كـبـار وصغار ..
يا أبـنـائى كرمـنـا رب الأكــوان ..
ودجاجاتى تعرف إن وظيفتها طعام ..

يا جدة ..
لما لا نحصل على غربان ؟

جيل أحمق !
لم أسأل والدتى يوماً ..
لما لم نحصل على طير أسود ..
لكنى سأخبركم ..
حرمه الله وذى الاظفر ..

كُل غروب كانت تسأل حين أنسل ..
فـأجـيـــب بـبـسمـة..

لأزور الـطـيـر ..

تضحك وتعيد الـقـصة ..
أخر طير لديها مات ..
كل زيارة مكان الدفن ..
تحكـى لـه مـا فـــات ..

***

أتت الجارة ركضاً ..
وتغضن وجه الجدة ببسمة :
لن أعطيك اليوم دقيق ..
فالجن يريد خبز ساخن بالسكر .

يا جــدة ...
لن أعطيك ذرة مشوية ..
فالجن يؤدى طقوسه اليومية .

يا جدة الطـاعون أكل الطير لـدى ..
يا جدة أبـغـى دواء غـير النـيـران ..
يا جدة الأوز يتيه مريضاً بالطرقات ..
يا جــدة ..

***
ركضت جدة بعمر الأرض نحو الأعلى ..
كــــان الــطــيــر يــحـلـق أعـلـى ..
ودجـاجـاتـهـا تـنــقـر حـب الأرض ..
والبطة تداعب بالمنقار أخر بيضة ..

ضحكت حتى خاف عليها البط ..

.كـدت أصـدق تلك الخَرِفة

***

لم نمنعهم حين اقتحموا ..
وتركـنـاهم حتـى صعدوا ..
لم نحمى بــيـت الـجـدة ..
كمحارب وثق ..فخنا .

سألت :

من أدخل بـيـت الجدة الشيطــان ؟

أتت النجمة غضـبى و باحت عنك ..

***

كــــــان الـــــعــــهــــد .

لم أعلم إن الشيـطان يـتـنـكـر يـا جــدة ..

كــــــان الـــــعــــهــــد .

لم أعلم إن الأبيض حتى الأزرق يفسده ..

كــــــان الـــــعــــهــــد .

رفقاً بكِ يا جدة .
***

كــان الــعــهـــد ..

وكــان الـبـيـت ..

وكانـت جـدة

بقلم فوزية

والكل واقف بيقول هش ..

2006-08-08T00:37:00.000+03:00

بشكل ما هذا البوست رد على تعليقات البوست الماضى , وبنفس الوقت .. مجرد وجهة نظر.

تعجبنى التعبيرات المختصرة جداً .. مثل تعبير( ايمو) المعبر " هع هع " اما (عبدو باشا) و(شادى) وجميع المؤمنين بأهمية المظاهرات .. انا لا اقلل من اهميتها بل واشعر بالحزن حين تختفى . حضرت مؤتمرين , شاهدت الناس تتفاعل بحق ولكن للا شئ ..كل هذا لن يؤدى لشئ . قبل ظهور صلاح الدين وقبله نور الدين لم تكن هناك مظاهرات , ولكن تجهيزات ..

اريد ان احكى موقف طريف لكن ليس لأطراف الموقف .

فتاة فى الصف الابتدائى عائدة مع والديها من النادى تجرى مع اختها تجاه بهو بنايتهم الواسع تجاه الوالدة المنتظرة على قمة اربع او خمس درجات تجاه البهو الصغير للمصاعد , بعد ان املتا على والديهما قائمة الحلويات من محل صغير امام واجهة البناية بالضبط . كانت الوالدة اخر شئ تراه الصغيرة قبل الكلب الذى انطلق , لم يكن ضخماً ولكن لصغيرة كانت تخاف الخيالات وتؤمن بأنها نجت يوماً من النداهة ,والحيوانات ليست الا ابن فرانكشتين اخر, فإن قفز كلب*على جسدها وهى تسقط ارضاً شئ ...غير لطيف .. فعلاً .

الوالدة كانت الاقرب على درجات السلم .. كانت تتقدم خطوة - فوق السلم - وهى تقول " هش " بس كده, فقط تكرر " هش " حتى أتى الأب راكض ليسجل هدف بالكلب ولكن بدون مرمى , اعتقد ان المسكين اصاب بمعدته مباشرة .

موقف الأم كان عاجز تماماً , بل ربما لم تستعب الامر اصلاً, ولكن بالنسبة للفتاة التى كانت تنظر نحوها باستماته ولم ترى سواها فى اللحظة الحرجة شئ مختلف , الوالدة كان لديها سبب وجيه لتقف بعيداً حزينة وغاضبة .. اممممم .. لا ننسى بأنها كانت تندد وتقول "هش" فى الواقع صار الامر نكتة تتداولها العائلة ولم تفكر الفتاة ابداً بأن الوالدة تركتها ولكن لكل شئ طبيعته ودوره ,لو كان الوالد ايضاً تركها ,ولو كان الوالد غير موجود وتركها الناس فريسة لكلب ولم يتدخلو لصغيرة يعرفها الجميع - وتعد ابنة الجميع - لاختلف الامر كثيراً ,ولكن كلاً قام بما عليه .

لبنان الأن فريسه لحيوانات شيطانية من كوكب اخر اصلاً, وليس الشارع والاهل فقط من تركوها , فلسطين منذ اعوام , افغانستان , الشيشان , العراق , والتاريخ ممتلئ ..

والشارع واقف بيقول "هش" وبس..

مفيش اب زى قطز ياخد زمام المبادرة, ولا اخ زى نور الدين ولا صلاح الدين ,ولا شيخ يربى جيل , ولا مدرس يحكى للأطفال تاريخهم ويشرحلهم المطلوب للمستقبل فيطلع محمد الفاتح , ولا ملك يقول كيف ابكى والقدس اسير , ولا شعب مل وزهق من صبر العواجزوبدل ما يكتفى بأنه يقول لأ عمل حاجه .

البعض بيقول "هش " فى التليفيزون وعلى الاوراق المختومة , والبعض بيقولها فى شارعه وفى بيته , نبكى ونقطع شعونا من الحزن و القهر وبنقول بس

هش .

المأساة اننا بنفتكر اننا كده قضينا واجبنا و نفضل صابرين لحد ما كره الصبر نفسه .

فقط هتاف

2006-07-29T13:17:00.000+03:00

الستات قالوا بدل ما يفضلوا فى البيت يتفرجوا على الجزيرة والمنار ..

من هنا .. فقط تواجد

والنتيجة كالعادة .. مبهرة

بالنسبة لنا .. مجرد صور ..

2006-07-26T03:01:00.000+03:00

رسائل بسرعة الصاروخ

وصلت الرسايل يا بنات

...............................................................................

احمد مطر من سنين وهو بيحكى حدوتة عبد الذات .. اه بس لو يتغير عبد الذات !

عــــــبــد الــــــــذات

بنينا من ضحايا أمسنا جسرا ،
وقدمنا ضحايا يومنا نذرا ،
لنلقى في غد نصرا ،
ويـمــمـنا إلى المسرى،
وكدنا نبلغ المسرى ،

ولكن قام عبدالذات يدعو قائلا:
"صبرا" ،

فألقينا بباب الصبر قتلانا ،
وقلنا إنه أدرى ،

وبعد الصبر ألفينا العدى قد حطموا الجسرا ،
فقمنا نطلب الثأرا ،

ولكن قام عبدالذات يدعو قائلا:
"صبرا" ،

فألقينا بباب الصبر آلافا من القتلى،
وآلافا من الجرحى ،
وآلافا من الأسرى ،

وهد الحمل رحم الصبر حتى لم يطق صبرا ،
فأنجب صبرنا صبرا ،

وعبدالذات لم يرجع لنا من أرضنا شبرا،
ولم يضمن لقتلانا بها قبرا ،
ولم يلق العدا في البحر، بل ألقى دمانا وامتطى البحرا،

فسبحان الذي أسرى بعبد الذات من صبرا إلى مصرا،

.وما أسرى به للضفة الأخرى

وفـــقــط..

2006-07-20T18:31:00.002+03:00

حرب

2006-07-13T17:55:00.000+03:00

حين عرفت خبر اختطاف الجنديين شعرت لوهلة بعودة اجواء الماضى .. قبل سقوط بغداد وربما قبل ذلك .. شعرت بأن الفلسطينيون لم يعودوا وحدهم .. وبأن معسكر الملائكة مازل يمر كى يلتحق به من يريد , ومن يستطيع .
اهتز العالم لاختطاف جندى اسرائيلى ( محتل ) ولم تهتز منه شعرة واحدة لأجل الالاف منذ اعوام واعوام .. ربما لأن موت الفلسطنين والعرب صار امر طبيعى فلا يمكن ان يبدأ شخص يومه بدون " استشهاد 3 فلسطنيين فى غزة .. حيفا .. جنين .. جباليا .. اى مكان " يتوقف لحظة عن تناول الفول والفلافل اذا كان بالعالم العربى , أو الكرواسون والقهوة الجاهزة اذا كان غير.
خبر عابر كما قال د. احمد خالد حين فتح موضوع " استشهاد الرنتيسى "
اما اختطاف جندي .. وووه , واو , وسِيتامبوسيبل , وكأن قدر الدنيا ان تعبر الدبابات على اجساد البعض , وان يودع البعض فى المعتقلات لقتلهم الف مرة , وينهض الطباخ ليجرى المفاوضات بين الانسان الذى اختطف السكين ليساوم على حيوة .
فشل مفاوضات مصر مع حماس , وكأنها جندى مهزوم .
لقد قام حسن نصر الله بما يعيد الروح الى الشعوب العربية التى انهكتها العبوديه بالداخل والخارج وبما يجعل من ( جنوب لبنان ) درة الشرق بحق ..
اهم سؤال هنا .. هل يدرك نصر الله عواقب ما فعل فى هذا الوقت بالذات ؟

1- ازمة الجندى فى فلسطين والتى لا يريد الاسرائلين الهزيمة فيها حتى لا ينتشر اختطافا لجنود الاسرائلين مثلما انتشرت العمليات الاستشهادية .
2- سعى اسرائيل المتوقع لافشال العملية لحزب الله لمحاوزلة استعادة السيطرة على الموقف فى غزة
3 - الوضع المتأزم بين الحكومة والمعارضة فى لبنان , حقيقة توقعت ان تستغل المعارض الامر
4- الضغط العربى - وليس فقط عدم توقع الدعم العربى - والذى ستزيد حدته املا فى انهاء الازمتين
5- الرافضين بشدة من اصحاب المصالح المادية فى ظب موسم سياحى للبنان لم يحدث منذ أعوام الحرب
من كلماته فى المؤتمر أمس يبدو وكأنه يدرك :
_______________________________________

- مستعدين نروح للاخر
- بعرف أبعاد الموقف عربياً , ولبنانياً , وفلسطينياً , ودولياً
- نتهيأ لهذا اليوم منذ عام 2000
- للذى يهدد بان يعيد لبنان الى ما قبل 20 سنة اقول بان لبنان اليوم غير 20 سنه
- العالم بَدو تهدئة جاهزين .. بدو مواجهة فليتحمل المفاجأة
- لا أطلب من أحد دعم ولكنى أطلب من اللبنانيين ألا يشجعوا اسرائيل بأى كلمة على العدوان , حذار من ارتكاب أى خطأ فى صالح العدوان , يجب ان يتصرف الجميع بمسؤلية , هذه رسالتى للداخل
- اى عدوان قادم فالمقاومة معنية بالدفاع عنه , سيكون هناك اصوات مخالفة .. لا يوجد أبداً اجماع وطنى
- بطلب من كل مواطن يتخيل سمير قنطار ابنه واخوه , وكل شئ مادى بيتعوض

_________________________________________

لكن ضرب البنية التحتية .. الجسور , ومحطات الكهرباء , المطار , وكأنها الحرب من جديد .

- بيقولوا حيجرونا للحرب من جديد , وهو احنا كنا خرجنا منها

اتمنى ان يكون مستعدا بحق لأن رؤوساء الدول العربية لن يتدخلوا الا لما فيه صالح اسرائيل وهذا ما ظهر بعد تحميل السعودية حزب الله مسؤلية ما يحدث .. والصمت المقبرمن المساحات الجغرافية المجاورة

السؤال المهم الثانى
.. امممم
هو احنا حنفضل ساكتين بنتابع الحروب على الشاشات وشبكات النت !!!

حزب الله وتورتة ..

2006-07-12T11:48:00.000+03:00

حزب الله خطف جنديين اسرائليين , وقتل تلاته , وجرح تمانيه

بالتأكيد سيكون هناك وقت للحديث .. لكن الان وقت الاحتفال .. سأحاول العودة مبكراً هذا ان استطعت التوقف عن كتابة العبارة الموسيقية التى يرافقها عزف الجنيات , والركض بالبيت والتوقف عن محادثة العيال فى التليفون ..

حزب الله خطف اتنين

وسلمولى على الضغط العربى على حماس ..

حزب الله خطف اتنين

أوقــــــات لـلــــحزن

2006-07-02T13:20:00.000+03:00

أوقات للحزن .

أوقات للحزن

هناك اوقات للحزن .. ربما ليست كالأوقات المألوفة , ولكنها اوقات غريبة .. مليئة بالشجن , وحزينة . الطيب ليس بطيب , والشرير التائب شيطان فى ظل عفو وسماحة الطيب , والثقة الممنوحة مشنقة انيقة فى رقبة مانحها , ان يختفى المعلم الذى يعود اليه الجميع , الذى يحوى اسرار من الجميع , يعرف كل الأخبار , لديه جميع الحلول , يسقط بعصاه دوماً تعويذة النهاية .

أى عالم نفس محترم كان ليقول بأن هذا اما تعذيب نفس بلا مبرر , او انفصال , او ربما استهبال للمرور بحالة معينة , الاصدقاء يبتسمون " هبل " , والجميع يتفق " جنون" , وقصيرى النظر " تفاهة " .
العالم الحقيقى محتقن , والدماء تفور , السياسة كذبة , والاقتصاد طين , التعليم فيلم تعذيب , والحياة فيلم رعب , والامال مآساة اغريقية , ..........

أعلم . ولكن كل هذا لن يمنعنى من الحديث عن أمر بنظر البعض تخلف.

دمبلدور مدير مدرسة هوجوورتس للسحر , من يتابع سلسلة افلام هارى بوتر يعلم بأنه العصب الاساسى العالم السحر,الوحيد القادر على صد قوة الشر بكل الخير والمحبة التى يحويها للعالم والتى يحويها العالم له.

كنت أعلم بانه سيموت بالجزء السادس ولكنى لم أقرأه سوى الأن . وشعرت بحزن حقيقى كحزنى حين مات شخص ما حقيقى . ذلك الشعور بعدم التصديق . لن اراه مجدداً ! لن اسمع صوته ! لن ينصحنى ويحل مشاكلى ! لن يشاهد مباراة الكويديتش القادمة , والتى لن تتم لأن المدرسة سيتم اغلاقها .. هناك العديد من ( اللخبطة ) ولكن متى لم تكن افكار الانسان ( ملخبطة ) .

حين مات سيريوس بلاك فى العدد الماضى كنت استعد للأمر بالبكاء , كنت فى القاهرة واحاول ان اجد مكان وزمن للحزن والبكاء , يوم حزين . حتى انى اتصلت برون من محطة القطار اثناء عودتى لأليكسا وكأنه على الأطمئنان بان العالم بخير, كنت اتصفح الرواية حتى اجد اسم سيريوس واعيد قراءة ما كُتِبَ عنه , لا اعرف كيف سأستطيع مشاهدة الفيلم ولقطات الموت وافتقاد هارى له وامله بانه سيعود , فى الواقع انا اعتقد بانه سيعود لأنهم لم يجدوا له جثة . تعلقت نفسياً بسيريوس ولوبين . الأول مات والثانى به جذوة شر عليه ان يناضل ليتحكم فيها .. كالعادة .. الموت أو الشر .

أما دمبلدور فقد تعلق به الجميع . الأسوأ ( قاتله ) ( سناب الحقير, الدودة القذرة , أفعى سليذيرن الملوثة بدماء الثقة الممنوحة والخيانة والندالة والحقارة ) صُعِقََت فيه اختى .. كان شخصيتها المفضلة , ولكنى بعد الجزء الثانى لم يربطنى به سوى ثقة دمبلدور ... الذى كان مخطأً . ودفع ثمن حسن الظن , والطيبة , النقاء , ولكن هذا لم يقلل من قيمته ابداً . لازال الأمر يؤلم .

ان كان لنا عمراً ساعتمد على اعتصار كف رون مثلما حدث فى ( اكس مِن 3 ) اثناء ذوبان البروفيسور والقاتل الجزء الشرير من تلميذته .. تتماثل الشخصيتان ولكن لدمبلدور الثِقَل الأكبر .

فى النهاية نجد الخيال يفقد السيطرة .. وكأن الرسالة هى ان حتى الخيال بقاعدة ( لا قواعد ) يخضع للقواعد .. الموت , الحزن , الافتقاد , الخيانه , حتى الشجن فى لحظة سعادة كارتباط لوبين الذئب أخيرا بتونكس .. مش فاهمة ازاى الغبى ده يضيع منه واحدة زى تونكس تحبه لدرجة البكاء .

عجيب امر المشاعر فعلاً لا تنتمى لواقع أو حقيقة .. لا تنتمى إلا للقلوب ..

سأفتقد سيريوس , ودمبلدور , جمال السابق ذكره , والفريدو الذى لم يات دوره بعد .. وولفرين إذا لم يكن لاكس مِن جزء رابع .

السيف اللامع بزجاجه اداة الثأر

ولقبعة التنسيق الملل طريق

ستغنى العنقاء لحن رثاء

وارض السحر ستفتقد الساحر

وداعاً معلم

تسأل ولا ما تسأل .. أل يعنى

2006-06-28T21:28:00.001+03:00

ياللى بتسأل عن الحياة ... طظ فيك ... هى حتقرفنا كده زى ما هى

واللى مش عاجبه يشرب من قلب المَيه

واسأل ما تسأل ..

تتعك .. تتنيل

انزرع بصل ..اطرح بطيخ

هى كده زى ما هى

فرسان الأرض .. والدم يلون الحياة

2006-06-24T02:17:00.000+03:00

فرسان الارض

مهما طال الزمان .. وابعدتنا المسافات .. يبقى فينا الأمل .. خيط يلف قلوبنا
ها قد ان الاوان لنلون احلى الامنيات .. لنعود للوطن ونزرع فيه الاغنيات
هيا نمشى معاً .. ففى وحدتنا دوما قوة .. بالخير نصنع غدا
لا يبالى بالمصاعب والأخطار
ارضنا يا جوهرة فى السماء .. يا امنا .. نادينا .. وبالارواح نلبى النداء

الكارتون

ذلك الفن .. هذا ما بدأت به مقال يوماً فى الكلية , ولكننى مللت من الدفاع عن هذا الفن الراقى الرائع .. سأتحدث اليوم عن شئ أخر

كوكب الأرض الذى دمر خلال الحرب العالمية الثالثة , وقامت العالمة نور بصنع الجواهر الثمانية القادرة على انقاذ الارض الملوثة بالأشعة النووية فصارت الأرض كالعين الدامعة بين جفنين أحمرين"ن "
هذه المقدمة الدائمة لمسلسل فرسان الأرض الكارتونى الذى تعيد إعادته للمرة المش عارفة كام سبيس تون العزيزة .. كم احب هذا المسلسل حيث يبدأ : وسيم " رحلته للبحث عن والدته والبحث عن الجواهر الثمانية التى ستعيد الأرض من جديد , ويقابل اصحاب الجواهرالأخرى بداية من " اشقر " الكلب الألى حتى "جمال " العزيز وهو الشخصية الأقرب الى قلبى

فقد زوجته وعينه التى حلت محلها الجوهرة .. جمال الثائر , المناضل , الوفى . - من التقاليد العائلية ان يختار كلا منا شخصية (ده بتاعى) وكان جمال لى بلا منازع .. منذ أول ظهور له وهو يبدو بطل بحق .. حتى تعابيره التى تظهر غير مكتمله بسبب شعره الذى يخفى نصف وجهه .. مثابرته على قتل جميل الذى قتل زوجه .. الغريب ان لقطات الفلاش باك لحياته الماضية لا تشى بالتحول .. وكأنك لتكون بطلاً بحق عليك ان تدفع الثمن كل ما لديك .. ان تتخلى عن قلبك بكامله , أن تفقد الاحساس بالحب لأى شئ .. ان تفقد الحياة .. ولا يتبقى لديك سوى الغضب .. المرارة .. والحزن ... فتهون نفسك فى سبيل فكرة , أو قضية , أو تتعلق حياتك بكاملها بالانتقام لمن قتلك وتركك تعيش بلا روح ..

احب جمال

حبكة المسلسل كما اذكرها رائعه لن احاول تلخيصه او مشاهدته مجدداً لاستكمال التفاصيل الناقصة . ما لفتنى دوماً ان الجميع مات فى النهاية , ولم يتبقى سوى طفلة صغيرة تروى الحكاية ,وعالم رائع عادت إليه الألوان .
دفع الجميع حياتهم ثمناً . وسيم الذى كان يبحث عن والدته , الفتى منار الذى قاتلت اختى لتأخذه من براثنى حين رأيناه فى التتر قبل ظهور جمال , الفتى الاشقر الذى اخذته ابنة خالى عنوة من اخيها الصغير لتكتشف فى النهايه بأنه فتاة متنكرة .. جميعهم ماتوا ..
لماذا لا تتلون الحياة إلا من دماء الأبطال ؟
اتسائل دوماً .
ولماذا يصبح علينا ان نعيش فى عالم من الفئران , الارانب الملونة , القطط الشاردة , الثعالب الخبيثة , والمستذئبين . ونصبح ليس اكثر من مذاق فى انيابهم .. او حقول تجارب لقردة وافاعى ..
بقدر ما احببت الليمون والشيكولاتة ومنير .. رائحة الذرة المشوية , والبطاطس المشوية تحت النجوم ..
بقدر ما صرت اكره الحياة ..
ربما كان ابراهيم خليل ليخبرنى بأن هذا كفر مقنع .. ولكن ليس هذا العالم الذى خلقنا له الله لنعترض على ارادته . ارسل الله لنا الانبياء كى يعلمونا ما معنى ان يكون ابن ادم انسان يحترم , ويحب, ويسامح, ويفكر ويبتكر , ويسعد .. يحترم انسانيته , ويحب الله والناس , يسامح من أخطأ بحقه سهواً لأنه قد يخطئ وسيتوقع المسامحة .. ليس هذا العالم الذى خلقنا من اجله الله .. رغم ان التفاف النظريات قد يخبرنا بان ربما هذا مكاننا للإصلاح كما كنت اعتقد .. ولكن لا تتغير الحياة بالإرادة ابداً .. ومن قواعد الحياة إن الذئب لا يأكل الا الغنم الشاردة ..
لم اعد افهم شئ , وكأنى فى دريم بارك اقف فى المغاره وارى الالعاب تدور وتقذف بالناس ما بين الحين والاخر فى الهواء ولا احد يرى شئ .. اسعى لإيقاف الألعاب ولكنها قد دارت وانتهى الامر ولا سبيل .
ومعذرة جمال ..
قد طال بنا الزمان .. وابعدتنا المسافات .. وانقطع خيط الأمل .. وسقطت منا قلوبنا .

حدث فى امتحان التفاضل .. حدث فى الحياة .

2006-06-17T00:51:00.000+03:00

.المكان : مدرسة الرمل الثانوية بنات
الحدث : امتحان التفاضل والتكامل للمرحلة الثانية من الثانوية العامة.

الوقت : 10.55

المشهد : كثير من الاباء والامهات حتى ليبدو كأن اليوم اجازة رسمية , اتسائل هل رأيت المرآة ذات طلاء الشفاه الأحمر العام الماضى .. ابتسم فى نفسى واتذكر امتحان اختى العام الماضى وانا انتظر خروجها من المدرسة مع المنتظرين .

الجو حر فأقف تحت شجرة والذباب يصر على ان وجهى حديقة لطيفة للتنزه . الساعه 11 الا خمسة ومحدش خرج من اللجان .. اب يتحدث الى اب اخر ..

- يعنى حياخدوا ايه فى الاخر .. ما انا عندى هندسة فى البيت اختها الكبيرة .. يافرحتى

- ادينا بنعمل اللى علينا .. كل حاجه فى البلد قرف

أحول موجات اذنى الى المرآة المألوفة وهى تدعو الله , اعود لأردد ادعية الهم والكرب ولا يفارقنى وجه والدتى ومصحفها ودموعها عشان مابين العربى والتفاضل يوم ونص وبس .

يدق الجرس .. انظر للباب الحديدى .. يتأهب الأهل بأكملهم على الجانبين ليتركوا مساحة لخروج البنات ..

صــــــــــــراخ

بــــــــكـــــــاء

وصوت فتاة : يارب خدنى بأه .

يندفع الاهل كتلة واحدة إلى الشبابيك .. واسمع العديد من الاسماء .. كلاً ينادى على ابنته .. وكل ما برأسى ان فتاة ما ستقفز من النافذة الأن ولكنها لن تكون اختى المتفوقة .. التى تحلم بالترنح بين موهبة الرسم وهندسة الاليكترونيات .. تخرج اول باكية .. يسألها الجميع فتجيب بأنه صعب جداً

واحد مراقب : الامتحان سهل .. انتوا اللى ولادكو خايبين

لوهلة فكرت بعقد حديث معه حول تكاليف الدروس والسنتين اللى مش عارفه اشوف اختى فيهم فى البيت ولا اقرالها قصيدة تقولى رأيها فيها ولا كام روايه شايلاهملها عشان لما تخلص .. كنت حاقوله حاجات كتير بس سمعت واحدة بقول ان اول واحدة خرجت ديه بن شاطرة جداً .. ومع خروج اختى ووجها ارضاً

وامرآة تقول بأن وجوههم لا تبشر . لن اصف المشهد اكثر من هذا لكن كلمة لأنه كان غريب على ولكن من بين كلماتها ..

انا ضعت خلاص

اختى , اصحابها .. كارثة والمجموع ضاع ..

حـــــــــدث عـــــــابـــــــر فى امـــــــتـــــحــــــان الـــــتــــفـــاضـــل و الــــــــتــــكامل .

تحكى الفتاة لها فى الهاتف :

حين وجدنى المراقب ابكى اقترح ان اغسل وجهى بالماء البارد .. حين خرجت لم اجد مساحة بين جسده وبين حائط لجنة الامتحان .. وفلفست منه ورجعت اللجنة ..

سألتها : وماصوتتش ولمت عليه امة لا اله الا الله .. قاللى لأ .. واحدة عندها امتحان وصعب ومنهارة

وحصل كده وده مراقب .. حتعمل ايه يعنى ..

الشئ الوحيد اللى قلته كان الحمد لله ان ده محصلش لأختى لأنى وانا بوصلها امتحان الانجليزى كنت حاقولها شاوريلى عليه ..

فى اى عُرف أو أى قانون يسمح بان تُنَصَب الحيوانات على معاش الاطفال .. مش كفاية الزمن على حياتهم .. الضغط على فكرهم .. تسطيحهم .. تهميش عقولهم .. كمان انتهاكهم اغتيال براءة , وطفولة .

ما يحدث لأولادنا ليس اكثر من اغتصاب لمستقبلهم . واه من جيل كهذا

ملكة

2006-06-13T02:41:00.000+03:00

أحـــزان الــمــلـــوك

--------------------

وقف يُعدِل من وضع التاج الوهمى أمام المرأة .. يتخير أفضل وضع يتيح لأنفه التواجد فى السماء ..

- أحببتك يوماً يا فاتنتى , لكنى الملك الشرير .. أقتل بعد شروق الشمس إمرأتى

.. لا ... لن تصدق هذا السبب .

أحببتك يوماً يا فاتنتى .. لكنى الملك الحزين .. مريض بجنون فى القلب ..لا تبتأسى ؛ كنت أكثر من أحببت .. وأخر ضحاياى .. جرحك كان على أصعب شئ .

وهنا تنتهى فصول المأساة , أتوقف عن السكن المأجور بالدم ,والحزن , وكلا منا يمو بقبوه حزين يجتر

الذكرى ثقيلة . هكذا نصت قوانين الملاحم .. أن يتألم فى النهاية كل الأبطال .

..خرجت من خلف ستائره الحمراء..بيديها صندوق مغلق بشريط أحمر..كانت ضحكة تترنح على شفتيها
- انتِ هنا ! صار الامر أصعب ...

: ضحكت ساخرة

- بل صار بحاجة لرجل فى الوجه يتحدث , لا طفلا اخطأ فى حق الدمية فتخلص منها من نافذته
. رجلا , لكن لا اتحمل المك -

! مشهد تكتبه .. أم تقتل شهرزاد بيد السياف بعد الألف ليلة -

- كان شهريار ملكاً خلد ضعيف إمرأة بقوتها صارت الامثال تضرب احببتك حقاً لكنى ابغى سواكِ الملك الحق وإن كان الثمن هوأن ألفظ كل الحب .

-أنت تُحب ؟! لم تعرف يوماً معنى الحب .. لم تشعر يوماً بحرارة عشق..لا يهوى غير الأطفال.. الصفحة البيضاء لم تتلوث بعد بسباب الطرقات ,مازالت أعينهم تسكن ألوان الفراشات .. مثلك لا يعرف معنى الحب .. كلمات تتراقص بلا صوت أو لحن , حلوى السابليه بالشيكولاتة , رؤية تمر أمام المراة كل صباح على التاج الوهمى ,رائحة العطر الشرقية , أن تتوهم ان خواء الغرفة بسمة تُطمئنك بصباح اللقيا,

تتشدق بالحزن "ذكرى ثقيلة " لا تكذب وتدنس حلو الأشياء .. الذكرى هى أن تبعث من طمى الأرض بقايا الكلمات, تلمعها وتعلقها فى المحراب كى تتذكرها كل صباح .. وكل مساء . أما أنت كالدنيا لا تملك ذاكرة تحفظ رعاياها حتى لو دفنوا بجوف الصدر ,فى اليوم الأول لن تذكر سوى كلمة من حكاياتى , واليوم الثانى درجة لونى , والثالث لن تذكر حتى الإسم ..عند النهر المُقبِر سيطير الاسم والذكرى فى الجو دروبا مختلطة .. فى النهر طيور غرقى . لن تتذكر سوى انك ملك مكلوم , منفيا فى كهف الحزن .. صلبته الايام على مذبح أخطاء الكون , وغباء البشر . بل قد تلقى بلومك على لون سماء الدنيا الازرق .

إبقى روحك بين حوائط مُلكَك , لاتعطى منه إلى الدنيا , لا تُسِرع بها نحو الأخرة , ابقيها فى ظل الحية ..

حسناً ما اخترت.. رقعة حديدية باللون الأبيض والأسود , والقطع ثقيلة وأثرية . ..
القت الصندوق لتتناثر القطع عند قدميه ورحلت شامخة تنفض يديها فى قوة :
- يا طفلى الأحمق إبتعت لإجلك فى عيد العشاق .. .

. رقــعــــة شــطــرنـــج

هل تغيب الضمائر ؟

2006-06-09T16:31:00.000+03:00

وهل تغيب الضمائر !!

انت ..

انت الهجوم الاول .. دوماً انت فى المقدمة .. اكثر الاسلحة قوة وتأثيراً .. يبدأون بك فى محاولة لتلافى طول القتال .. احياناً تنجح فتزيح عنهم الكثير.. وغالبا تفشل ..

هى ..

حاجز الصد .. تبدأ فى مؤازرتك دوماً .. حتى تفشل .. تضعك جانباً وتبدأ فى الصد .. تجاورها صامتاً .. تنظر اليك فتتجاهل القوة بعينيها و المواساة ..

دوماً انت بالإطار ..

فشل ..

نجاح ..

حيث النجاح نوع من انواع الفشل ..

. انت دوماً فى الاطار

هو ..

تكرهه ؟

ربما .

تكره نوعه بأكمله فيه او تكرهه فى نوعه .. تعلم انه لا يمكنك ان تكرهه .. ولا يمكنك ان تكرهه فى نوعه حتى لا تضطر للذهاب الى طبيب يدع معرفتك اكثر منك .. لكنك اسفاً تضطر لتكرهه ولتكره نوعه كلاً على حدة .. وتسخر من طبيب لا يعرف ما مررت به ..

انت ..

حزين ..

كئيب ..

لا يمكنك ان تعلن ابداً على الملأ .. كيف تعلن انك تتألم فى حين انها تتألم بالنيابه عنك . عليك ان تتحمل المك والمها فى صمت حتى لا تتحمل المك والمها لجرحك والمها لصراخك ..

هو ..

يتبدى دوماً فى غير مكانه .. يرق احياناً فيصير انسان .. يقسو فيصير بلا عينان .. ثقوب سوداء تحتويك .. لتقذف بك الى عالم اخر .. فيه الانسان غير الانسان ..

الاخرى ..

تقبع دوماً فى ركن الاطار .. تراقب .. تشاهد .. تحاول احياناً مشاركتهم الحرب .. تنسحب حيناً .. يدفوعها حيناً لأن عليها من اجلهم النجاح ..

انت ..

مثلاً اأعلى للأطفال ..

مثلاً تتداوله الجارات ..

عليك ايضاً النجاح .. الهزيمة تجعل من عاطفتهم حد سيف نارى .. تمتمات التهنئة التى تُستَبدل بتمتمات التشجيع امامك والرثاء سراً .. تعلم ان الفشل انما وأد لهم ..

عقدوا عليك الهدف الذهبى الوحيد فى المباراة .. تبحث عن الكرة .. تراها مختبئة .. تركض .. تركض اكثر .. تلتقطها .. تجرى نحو المرمى .. يصفقون .. تدمع عيناهم .. يغمضها البعض خوفاً وقلقاً .. يحثونك اكثر .. تتقدم وتتقدم .. ترى الشبكة .. يوقنون من النصر .. ترفع قدمك .. تقذفها .. تراها متجهة .. تنظر اليهم لتقدمه لهم .. يحدقون .. وتحدق معهم

.. الى الفراغ

!! سراب احتواكم

هل كانت ؟

ام تبددت ؟

انت ..

.. دوماً تقف متطلعاً فى الليل

.. بانتظار المطر

طعم الخناجر ولا حكم الخسيس فيا

2006-05-11T15:09:00.000+03:00

الصبر حلم العواجز
يطرح زهور الأماني

والقهر عدَّى الحواجز
وأنا اللي واقف مكاني
شايف غيطان البشاير

خايف

وكانن إديّا

عدى الحمام اللي طاير

مارضيش يرفرف عليّا

انا عارفه الحمام حيرفرف فين

http://misrdigital.blogspirit.com/

http://www.hrinfo.net/egypt/eaat/2006/re0430.shtml

هو مفيش فايدة ؟

2006-05-07T00:33:00.000+03:00

مفيش فايدة

..
هذا هو الشعار الذى رفعته بعد ما اكتشفت انك لكى تُختم بالختم الذى يثبت للجميع انك انسان عليك ان تنسى شئ اسمه الانسانية .. والامر ليس موقف شخصى ابداً بل للأسف الشديد موقف عاااااااام ..

يجب ان يلتفت احد الى ما يواجهه طلبة الدراسات العليا فى بلدنا يا بشر ..ولكن هذا ليس بموضوعنا ..
انتفاضة !!
اشعر بأن بلادنا تواجه انتفاضة ما

لن استعين بأبيات من شعر احمد مطر ولا من شعر محمود عباس ..

ولا حتى من اغانى منير ولااااا الهوا
كل اللى حاقوله انى اكتشفت انه عيب

ان
نترك طيور النار تحلق بدوننا

!!
نتقوقع فى غرفنا بين كلمات كتبها غيرنا حتى نبتلع انفسنا كدعبول

نقرأ عن الثورة ونمحص فى معانيها اللغوية

نقرأ عن جيفارا .. عن غاندى .. عن وعن وعن

!!
اعتقد بان على ان نعود الى الحياة مجدداً

لأن المارد ينهض من تحت الارض وفى يده يتعلق الاحرار

شكراً فيولينا العزيزة

لأنك لو ماكنيش شايفة ان فى فايدة ماكنتيش اتكلمتِ عن مالك

http://white-wizard.blogspot.com/

شكراً مالك .. العنوان الذى عرفناه عن المعتصمين فى القاهرة

http://malek-x.net/

________________

http://misrdigital.blogspirit.com/

__________________

الموقع ده مهم جداً جداً جداً جداً .. لازم تشوفوه

العنصر الخامس ..

2006-05-03T21:05:00.000+03:00

من غير كلام كتير عشان اعرف اتفرج على الفيلم الثمين القديم

العنصر الخامس

امممممم

والتائه الان بين عناصرنا المستجدة

اعتقد بان لى عودة

ما الجدوى ؟ وما الجدوى .. وما الجدوى ؟

2006-04-22T18:42:00.000+02:00

بمجرد انتهائى من البوست اللى فات فكرت فى تدليت البلوج والاسبيس تحت مسمى ( عدم الجدوية ) .
ما جدوى كل هذه الفذلكة كما تقول رون ! ..

احم..

رون حين قول هذه العبارة تبدو وكأنها اهانة .

لا جدوى ..

ولكن كما كان يقول دكتور السلوك الانسانى

" فى البداية كانت الكلمة تعبيراً عن الفكر الانسانى للبشر "

ليس من المهم ان يكون لكل الاحاديث هدف منذ البداية طالما تحوى المعنى . هكذا عرفنا الجاذبية وان الارض كروية الشكل مع انبعاج على الجانبين...ترى ما جدوى الانبعاج !

مش مشكلتنا دلوقت :p
اقصد ان لولا الكلام حتى وان بدا مجرد كلام اكيد له تأثير على وتر ما فى مكان ما .. سألت مرة مدرس العربى عن الالياذة والاوديسا والادب اليونانى اللى مليان ارباب وربات قلتله حرام؟ قالى لأ خديها تسلية وتثبيت بأن سريان الحياة زى ما ربنا عمله هو احسن نظام .

لا اعتقد بأن هومر حين كتبها قصد هذا المعنى ..

ولكن ينعكس شعاع الشمس فيذيب جليداً فى مكان , ويحرق غابة بأخر , ويعطى للقمر حصته, وكل متلقى لأشعة الشمس يظن بأن

مطلبه هدفها ..

الصور الضيفة هنا مثلاً . قديراها شخص بلا معنى واخر يرى فيها وجه , ابراهيم خليل صديقنا كان ليراها دخان سجائره والنور قاطع , انا عن نفسى اراه وميض تائه .

وفى النهاية يموت الانسان , وتذوب الكلمات , ويظل بالعقل معنى ما مجهول المصدر .

اخبركم سر .. هذا ما يفعله ثرثارى الفكر لإيجاد جدوى لزبد الافكار وزخمها

(;

2006-04-22T15:03:00.000+02:00

مش لون حياتك.. تؤ .. عيشها واتفرج على الوانها

الألوان ..

بتفكرنى الالوان بالبشر .. ممكن تكون ماشى فى الشارع وتتكلم مع واحد وتحس ان حواليه هالة .. زى هالة الشمس وقت الكسوف واللى بيقوللوا عليها علماء الفلك الاورورا .. يمكن عشان كده ربة النور عند اليونان كان اسمها اورورا .

المهم
الهالة ديه بيكون ليها لون .. ممكن تتكلم مع واحد وتعرف مزاجه من لونه ازرق او اصفر او حتى تركواز وكل ما تعرف الشخص اكتر كل ما تعرف لونه الاصلى ايه .. مهما كانت المشاعر حتلاقى الهالة ..

دايماً نبدأ من الابيض : الصفاء .. اى درجة زيادة تفسده يعنى البيج صافي بس اتعكر , الابيض المزرق صافي متألم

الاسود بس: حقد غاضب وكراهية حقودة وغضب عارم يبتلع بعمقه جميع الالوان
الاسود المطعم بأى لون : يأخذ سمة الغضب بالاضافة لسمة اللون الاخر

الرمادى : دايماً حالة القنوط واليأس الابيض المتعكر باول درجة من درجات الكراهية , اللون الوسطى بين اكبر التناقضات .
الشفاف : شرير .. يتنكر فى لون وماتعرفهوش برضه
الاصفر : جنون وتمرد

الاورانج : جنون وتمرد مكبوت
الاحمر : الثورة ,والغضب , والحب باعتبار ان الحب نفسه ثورة
الروز : رقة
الفوشيا : طفولة
النبيتى الغامق : مأساوية وشعور بالظلم والتفوق

الاخضر : خير وسكينة ( تمام يا خضرة )
البستاج : حنان
الزيتى الداكن : خبث

الازرق : صفاء وفكر
الازرق الداكن او الكحلى الفاتح : غربة
التركواز : طيبة بعبط
الكحلى الداكن حزن وكآبة
الموف : احداث صدمة و رغبة فى التشويش

البنى : عمق واسرار

الفضى : سحر

الدهبى : سكن

فى ناس كاروهات ومقلمين كمان .. وانا اعرفهم .. اى والله

بالمناسبة
الموقع ده لجيم وارن رسام لصورة الضيفة النهارده .. عبقرى بيلعب بالخيال وبالالوان بشكل غريب ويبدو انه ذائب فى الطبيعة , عنده امكانية غريبة على التصوير بالريشة .. عنده شوية صور ماعجبتنيش بس عامة هو تحفة

http://www.jimwarren.com/about.html

2006-04-19T23:23:00.000+02:00

لو حد فكر لوهلة وسال نفسه مين ده انا ممكن اعيط .. ..

مارسيل خليفة .. ..

كان المفروض اعدل التدوينة الاخيرة واكتب عن وداع اسكندرية ولكن على هذا ان ينتظر ..

لم اكن اعلم ان مارسيل خليفة هنا ..

فى مصر

.. وبتنفس نفس الهوا اللى بنتنفسه

... للمرة الألف بدعى ربنا معجزة تحصل وتتنقل ساقية الصاوى لاسكندرية .. وهى من الاشياء النادرة التى احسد القاهرة عليها .. المرة القادمة التى سأكون بها بالقاهرة وبساقية الصاوى سأفعل مثلما فعلت العام الماضى ..

بحثت عن المكان الذى وقف فيه باولو كويليو ليتحدث .. سأفعل هذا العام ايضاً نفس الطقس وابحث عن مكان وقوف مارسيل خليفة ليغنى ..

مارسيل اتشرط عليه عام 1997 انه يدخل مصر يحي حفلة بس مايغنيش .. ده مكتوب فى دستور الاسبوع ده

عرفت مارسيل خليفة من 3 اشياء

1- منتصب القامة امشى

مرفوع الهامة امشى

فى كفى قطفة زيتون

وعلى كتفى نعشى

وانا امشى

لا اذكر باقيها الان وحين سمعتها لم اعرف من مغنيها واغنية عصفور طل من الشباك التى سجلتها حوالى 3 مرات فيديو حتى حصلت عليها على النت

وحتى الان لم اعرف اصلها مارسيل خليفة ام عايدة الايوبى

2 - حفلة رأيتها سهواً فى التلفاز كانت ترفرف فيها اعلام فلسطين ولبنان

3- ابن خالتى وهو يحدثنى عن صديقه الفلسطينى الذى اراه قبة الصخرة من كاميرا الويب لأنه قاطن بجوار المسجد واخبره بأنه يسمع مارسيل خليفة .

بحثت عنه عن النت وعدة اعوام اسمعه وانا لا اعرف عنه شئ

لأول مرة اسمعه اليوم يتحدث على دريم مع منى الشاذلى ..

الرجل راااااااااااااااااااااااااااااااااااااائع

رااااااااااااااااااااااااااااااااااااااااااااائع

راااااااااااااااااااااااااااااااااااااااااااااااااااااائع

كلامه , افكاره , افكاره السابقة , حتى جمهوره واحترامه لفنانه واحترامه ليهم

كان نفسه يغير العالم وبعدين اكتشف ان عليه يغير نفسه الاول

هو تيار سياسى يسارى كما فهمت

شارك فى حملة بالالحان لجمع تبرعات لشرق اسيا

بيلحن اشعار محمود درويش وبيغنيها

تخيلوا

محمود درويش كمان

مارسيل خليفة ..

الفنان الثائر

اممممممممممممممممممممممممممم

سأقوم بخطة صغيرة للحصول على توقيعه والحديث معه هاتفياً وعلها تنجح

بالمناسبة

مش بعرف ارفع اغانى ..

اللى عايز يعرف مارسيل خليفة ويسمعه يكتب على الجوجل مارسيل خليفة ونتيجة البحث مجدية

ودى يمكن بجد من امتع اغانيه

كان فى مرة طفل صغير

كان فى مرة طفل صغير

عم يلعب بـ الحارة

عم بيفتش عل الخيطان طا يطير طيارة

واتطلع فى الجو وقال

مادرى شو عم يلمع

شوفوا شوفوا

طيارة

جايا لعندى الطيارة

ها الطيارة طِيرا

وما بدها خيطان

وجوانحها اكبر من بيت الجيران

فرفح قلبه وطار ع جناح الطيارة

والسما اللى كلها اسرار

حكيت له اسرارها

وقف بالساحة

ينده رفقاته

كان هدير الطيارة

اقوى من كل الاصوات

اتجمعوا الولاد

وفاتوا باللعبة

وهزت البلاد قصة مثل الكذبة

والهدير اتحول لدخان كبير

ومادرى شو صار

دق النفير

والطيارة الحاملة لقصص واشعار

شعلت الارض وهدمت الدار

وصارت الحدود

حدود (الوالدنا)

برق ورعود بتبسط على الدنا

وطارت اللعبة

وطارت معها القصة

وصارو الولاد شئفة من القصة

والقصة مكتوبة على صفيحات الضيعة

والضيعة الهيوبة ولعت مثل الشسمعة

والشمعة بتضوى والصرخة بتدوى

اااااااااااااااااااااااااااااااااااااااااااااااااااااااااااااااااااااااه

بما انى بكتب والبرنامج شغال ممكن القط كذا كلمة

وضع الناس فى الزاوية .. هذا الفقر وهذا البؤس كل هذا قرار سياسى

عندما يستريح المجتمع بيقف عنده التشنج

كفاية عليكوا كده انا عايزا اتفرج على البرنامج وانا باكل الفروت سلات وبعدين ادور على اى حد رايح احد الحفلتين ...

2006-04-16T23:20:00.000+02:00

الــــجـــنـــون

يدور الموضوع برأسى منذ فترة طويلة جداً ولكنه لم يتبلور الا بعد قرائتى للنصف الأول من رواية باولو كويليو " فيرونيكا تقرر ان تموت " وبجد بجد من يستطيع قراءة هذا النوع من الاعمال الادبية عليه ان يقرأها .. احم ..

على شرط

1 -انه مايكونش عنده حالة اكتئاب ولا يكون عليه ضغط

2- ولا انه يكون فى موقف عليه اتخاذ اى قرارات مهمة ..

لأنه غالباً حيقرأ الجزء الأول منها بس ويعيد ترتيب حياته ويا يرجع يكملها يا يفضل مستنى حالته تسمحله ..

احم ..

المهم ..

الجنون .. رفيق احمد بيكلم عن الجنون وشو اخر تدوينة ليها انها اتجننت وبتقولها بحزن وصدمة ..

الجنون .. طبعاً واضح انى من المعترفين رسمياً بالجنون .. مامتى بتحاول احياناً تخفف عن نفسها " مش ممكن يكون ده حصادى ,انتِ بس هستيرسة .. ربنا خلقك كده ..ده نوع من انواع الشخصيات "

امممممم ..

باولو كويليو على لسان احد الشخصيات فى رواية فيرونيكا السابق ذكرها

" اى شخص يعيش فى عوالمه هو مجنون . مثل اصحاب الانفصامات الشخصية والعصابيين والمجانين .اعنى الناس المختلفين عن الاخرين "

" أود أن استمر فى الجنون وان اعيش حياتى كما حلمت بها وليس بالطريقة التى يريدها لى الاخرون . هل تعرفين ما يوجد خارج المصحة ؟ ناس يظنون انهم طبيعيون لأنهم جميعاً يفعلون نفس الشئ .. سأتظاهر بأنى مثلهم "

ترد عليها فيرونيكا والتى كانت قد قررت الانتحار ..

" لقد فعلت وهذه هى مشكلتى . لم اشعر ابداً بالاكتئاب او الفرح الكبير او الحزن "

الجنون .. اعتقد بأن المجنون المريض هو الذى يسير بالطرقات وعلى رأسه كسرولة .. او الذى يسير بالطرقات صارخاً ويضرب الناس بالحصى ويسبهم ..

حين تقوم بشئ لم يرفضه الدين فانت لست مجنوناً مهما كان غريباً ومادمت لا تأذى أحد فانت لست مجنون شرير ..

الجنون ..

فى الكلمة الصغيرة هذى حرية غريبة وكأنك فى السما بين السحب والهواء يختبر ثباتك .. أو كأنك سهم انطلق من جعبة جنى شجاع يشق الهواء ويعرف طريقه ...

الجنون ..

من يستطيع ان يتحلى بالجنون .. ومن يستطيع ان يملك الشجاعة والقوة ليكبحه حين يريد ..

اممممم .. وده سؤال مهم جداً .. ماذا تفعل ان احتاج جنونك إلى جنون .. اذا اردت الذهاب لشخص ما فى مكتبه ومعك مسدس وهددته به وطلبت منه ان يكتب على حائط غرفته يجب ان نحترم الادمية مائة مرة , وبعد ان ينهى الفرض الجنونى تخبره بأن المسدس لعبة وانه كان اسير مسدس لعبة مثلما يقع عقله اسير الظلم والغباء ..

هذا تفكير جنونى اليس كذلك !!

ولكن .. ماذا يدعى استدعاء (جنون) يجعلك تقوم بتنفيذ هذا (الجنون) بحق ؟؟؟؟

حين تترك مصيدة نفسك لدوامة ما تفقدك كل ما تحب بل تفقدك الاحساس نفسه .. اليس هذا جنون !

البعض سيعتبرها مثابرة. لكن المهم هو ما ترى انت نفسك عليه حين تنظر الى المرآة .. إن كانت لديك الشجاعة لتنظر فى المرآة وتنظر فى عينيك لترى حقيقتك التى لا يعرفها سواك..

وحين تأخذ القرار بترك الدوامة .. يعتبرها البعض ضعف وربما جبن .. واستسلام احياناً .. وجنون ..

لكن انت اكثر من يدرك , اكثر من يعرف عنك واين يتوقف ضعفك من رغبتك وارادتك ..

بالعام الاول بالكلية كنت اضع طلاء شفاة فضى وكانت انتيمتى قبل اى شخص تستنكره ولكنى كنت احبه وكان ملائم لتنورة فضى .. تقريباً كل الاعتراضات كانت لأنه غريب .. دعك من انى مستحيل فى الوقت الحالى اضع نفس اللون..او حتى اللون الاخضر التحفة اللى فى الصورة العزيزة ديه بس لأنى انا مش عايزه ..

الجنون ..

شو تشعر ان صمتها جنون وانا اشعر ان حديثى جنون ورون لا تشعر انها مجنونة حين ترغب فى الركض بأى مكان مادامت ترتدى الحذاء المناسب ... لكنها تعتبر حياتى فى افلام السحر والكارتون جنون .. وتعتبر نفسها مجنونة لأنها عاشت مرة فكرة غبية ..

واحدة صاحبتى كانت بتخوف زوجة اخوها وبتهزر معاها وبتهددها بتناول سم الفئران .. زوجة اخوها اتحدتها انها تفعلها .. فعلتها فتاتى .. وبعد غسيل المعدة والذى منه اعتبرت الامر خطأ وليس جنون ومع ذلك تعتبر وضعى لصورة شخصية كارتونية فى النوتز بوك بتاعى جنون ..

نسبية الجنون تجعلك انت نفسك مجنون

؟؟؟؟؟

نجيب سرور - اغنية عن طائر

2006-04-16T17:27:00.000+02:00

نــجــيــب ســـرور

قبل القصيدة لدى اشئ اقوله .. لا اذكر لحظة واحدة لم أجد ما اقوله

احم ...

كم مرة فى حياتنا أثرت علينا كلمات كتبها شخص لم نعرفه ابداً وربما مات قبل ان نولد ..

شخص لا يعرفه الكثير لم يبنى اساساً او مِنهاجاً على اسس تثق فيه مثل الرسل ..
مجرد شخص عابر سبيل فى الحياة ..

ربما كتب هذه الكلمات والليل بسحره يظلله او ربما منتظراً لحافلة ما فى قيظ القاهرة الغريب..

بل ربما حين كتبها لم يعنى ابداً المعنى الذى وصل إلينا أساساً ..
اعتقد انها احياناً تكون رسائل علينا استيعابها ..لا تأمرنا ( افعل هذا وإلا .. ) ولكنها فقط تعطينا الاختيار ( عليك ان تفعل كذا وفقاً لكذا أو لا تفعل ..انه شأنك انت يا فتى ) ..
اوكيتا .. لما اقول هذا ؟

ذكرونى لأنى نسيت ...

امممممممم

هذه القصيدة جعلتنى بشكل ما ارجح قرار فى شئ هام جداً .. ..

القصيدة بأه عشان انا نفسى زهقت ....

اغـنية عن طـائـر

إذا ما الطائر الصداح قد هدهده اللحن
ورفت نسمة الفجر على أشجانه تحنو
هناك السحر والأحلام والألحان والفن

هناك الطير مثل مسيح
يغنى لحنه للريح
.. ذبيحا .. من قرار ذبيح !
صحا الطائر حيراناً يبث الليل أشجانا
ويجلو طلعة الصبح ليهدى الصبح ألحانا
فما كذب إيمانا ولا صدق برهانا
فهذا العالم الحيران ما ينفك حيرانا
وكم غنى هو الطائر
وقبلا كم ثوى طائر
أما للسرب من آخر ؟!

إلام نجئ ثم نروح لا جئنا ولارحنا
إلام نعيش ثم نموت لاعشنا ولا متنا
هو المنفى إذا كان البقاء قرين أن نفنى
يتامى نحن ياأطيار
دعوا الآهات للأشجار
فقد جزت بلا منشار!
علام نبتنى الأعشاش والحيات فى الأعشاش
إلام نسير كالعميان والممشى طريق كباش
وفيم الخلف كم منا قتيل مثل من عاش
هو الحتف الذى يصمى برغم الضوء جيش فراش

نسابق للخلاص النور
فنغدو فى لظى التنور
وها النافذة السور !
ملى طائرى فى الكون ثمة حار ما الجدوى
إذا كانت أغانينا تباعاً مثلنا تروى
وهذا الكون يطوينا فهل فى مرة يطوى
فما الجدوى .. فما الجدوى .. فما الجدوى ..

رويدا أيها الثائر
فليس القدر الساخر
ولكن دوما الشاعر !
إذا ما الطائر الصداح قد هدهده اللحن
ورفت نسمة الفجر على أشجانه تحنو
هناك السحر والأحلام والألحان والفن

هو المنفى اذا كان البقاء قرين ان نفنى ..

. الوحشة والوحدة امر غالى ولكنها ليست اغلى من النفس .

2006-04-11T23:26:00.000+02:00

رثاء الابرياء

لن يلاحقك المشعوذ بالهراء

او يذيب السحر قلبك فى الهباء

او تدور برأسك الاشباح حيرى

فــلتطب عيشاً بدنيا الرحماء

غــــاية حـقـقـتها فـيها الـهناء

فـليكن لحدك قـصر الشرفاء

فهو معروف لكل الاصدقاء

يـنـشـدون لـه رثاء الابـرياء

بحب شكسبير .. حد مش بيحب شكسبير

على فكرة المود ده مش كآبة .. مش عارفه بحسها اكتر نعى ..

نعى للبرائة او الفطرة والطهارة .. شكسبير كان فاهم معنى الجمال واعتقد ان رثاء الابرياء كان جزء من الجمال ..

او ربما نوع من الجمال الدموى .. زى الرواية الرومانسية اللى يموت بطلها فى النهاية .. المفروض تكون تراجيديا عشان البطل بيموت

بس هى رومانسية باعتبار ان اى تراجيديا موت مش ممكن تأثر على الحب والروماسية

السؤال الملل المعتاد..

حد فهم حاجة . والا انا بتكلم سنسكريتى كالعادة

مش مشكلة .. نكمل كلام ..

رون وانا كالعادة نتحدث عن الاخلاق .. اوكى انا وهيا شايفين العالم بصراحة وسورى جداً فى اللفظ ( زبالة ) بجد بجد

سيبوكم من توفى روح البى اللى العالم كله بالنسبة لها بالوعة مجارى محترمة تأكل فيها الفئران الصراصير

رانيا بتعتبر ان الاخلاق الكريمة فى الوقت الحالى للأسف اصبحت ( أولد فاشون )

: او كما تقولها بسخرية

" عصر الملكية انتهى ومفيش أحسن من الوقاحة وقلة الادب لأن للأسف دى سمة الزمن .. واحد فجأة لاقيتيه مخرج سلاح حاد وبيهددك بيه حتقفى تقوليلهنتكلم بالمنطق ! اساسا مع بداية الحديث عن اصل الاخلاق حتكونى سيادتك بدأتى تتحاسبى فى القبر وجنازتك بتخلص"

ومن هنا الاشكالية اللى مجننانى

هل علينا الاحتفاظ برقى الاخلاق فى زمن يعتبرها نقوش بائدة على الجدران ؟

هذا بغض النظر عن رأيى انا الحالى بعد اقتناعى الماضى بأن الطبقة الراقية اخلاقياً عليها فقط ان تثبت على ما هى فيه من سمو والا تنحدر الى اسفل مهما كان الاستفزاز ولكن هذا باعتبار ان هناك طبقة راقية اخلاقياً اساساً وليس مجرد افراد فى متاهة جحا

فى الواقع الأن اتركها للحالة المزاجية على الا اتعدى حد ما من الدنو الى مستوى الحياة التى نحياها

احياناً واحنا بنتناقش انا ورن مش بنكون مصدقين وجود بعض البشر حوالينا زى البت خضرة مثلاً

عندها كمية تسامح غريبة , ومش بعبط بالعكس ده بوعى وادراك تامين .. ممكن حد يفتكر انه بيستعبطها بس هى فاهمة ومطنشة "بعض الاشياء لا تستحق " وأجدع واحدة تقع فى الارض فى نص الشارع وتضحك وتقوم وتقول عادى الناس كلها بتقع وتقوم

بجد من غير سبيل فى حياتى انا ورون وغالباً كل اللى يعرفوها اعتقد ان مفهموم الاخلاق والجمال والانسانية كان حيسقط تماماً ..

كمان ساسو ..او ياسمين .. ممكن حد يلاقى ملاك ماشى على الارض ! ممكن .

نانو ارق بنت جدعة شوفتها فى حياتى ,

وشوشو اجدع واحدة تورط نفسها فى بلاوى من غير ما تقصد

واحمد صبرى اللى بيحاول يحتفظ بنفسه رغم كل شئ ومش عارفين حيكسب ولا لأ ..

وكتير اوى بس ماينفعش اتكلم عليهم كلهم

وناس موجودين حوالينا بس مانعرفهومش .. بنبصلهم وهما ماشيين فى الشارع وممكن نشد معاهم لو خبطونا سهواً واحنا مش واخدين بالهم انهم ماشيين يغنوا .." اكون او لا اكون" واحياناً

" هو المنفى اذا كان البقاء قرين ان نفنى "

لسه فى ناس فعلاً ماقدرتش سمات الزمن القاسية انها تاخد منهم حاجه .. يمكن اديتلهم الالم بس وحفرته فى قلوبهم وعقولهم .. بس مانالتش منهم غير الفشل فى جعلهم زى ما هيا عايزة واللى علينا اننا نخلى حياتهم اسهل شوية ,

اعقد ان على شكسبير ان يغير رثاء الابرياء او النعى لرثاء الزمن ويفضلوا الابرياء أجمل واسمى ومش لازم هما اللى يموتوا فى النهاية ..

ها .. نكون ولا لا نكون

وكيف نكون فى عالم لا يريد ان يكون

او يريد ان يكون من الطين نسخة بالكربون

بس كده

2006-04-11T10:19:00.000+02:00

بسم الله الرحمن الرحيم

بما انى لم احصل على كتالوج التعامل مع البلوج بعد واجده غريباً بعد مدونة الام اس ان الملونة اللى اشكالها بغيرها كل يومين .

لم استطع وضع ليست لذا سأضع هذا الموضوع بدلاً من الليست ..

أقدم لكم .. بلد البنات ..

والتى احتلها حسام والولاد الوحشين ولكن ليس لوقت طويل

مدونة هلس شوية لا تشبه تخيلنا عن بلد البنات ولكنها تؤدى الغرض

http://baladelbanat.blogspot.com/

والى هنا سيتم تحويل المواضيع الجادة .. الجادة نوعاً ما ..

http://spaces.msn.com/baladelbanat/

___________________________________________________________

http://noumenon-r.blogspot.com/

رون رون روح قلبى

واللى عملت مدونة بغية اننا نكون مع بعض سوا والنتيجة هى ان مجموع مدوناتنا على الام اس ان وهنا ببلد البنات حوالى نص دستة .. البنت دى مجنونة تماماً يستحسن محدش يقرب منها لحسن بتعُض , وبالمشرط بتاعها بتعور , ومش بتدى حاجات حلوة للعيال الصغننين عشان ده ضد مبادئها وضد ممارستها الطبية ..

بس ممكن تلاقونا فى الشارع فى اى وقت بناكل شيكولاتة فرنساوى على شكل صدف - على فكرة طعمها طلع وحش جداً - او شيكولاته كادبورى او صعيدى اللى هيا بتحبه اوى .. او نكتفى بكانز ..

عامة اى اتنين هادين وعاقلين جـــــــداً ورزينين تلاقوهم ماشيين فى ميامى اوفى محطة الرمل اكيد مش احنا ..

خاصة لو كانوا لابسين موف الاتنين او بياكلوا فشار

اممم .. او بيتكلموا عن اشكالية البسلة واللولبية والهلامية وبرضوا هل الصراصير تستاهل مبيد ولا الادوات البدائية افضل واكثر تأثيراً وعصر الملكية البائد ..

احم فعلاً مش ممكن يكونوا احنا خاصة بأه بأه بأه يعنى لو كانت معاهم بنت طويلة وخضرا بت أمينة قوى وجميلة اوى اوى ..

أو بنت عليها أحلى ضحكة فى العالم واسمها نانو ..

أو بنت قاهرية بنظارة شمسية لزوم الاناقة وقلم روج بـ 70 جنيه .. شوفتوا المفترية !!! ..

دول بأه أكيد مش عصابتنا والبنت دى أكيد أكيد مش توفى أو شو روح شرق قلبى من جوة

.. http://archshaimaa.blogspot.com/

على فكرة يعنى .. الناس دى مش احنا خالص .

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الموقع ده عاجبنى جداً ومش عارفه ليه

http://www.rezgar.com/debat/show.art.asp?aid=27902

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تعالو بأه للجدع , للراجل الحليوة , اللى .. مش لاقيا حاجه اقولها عنه فعلاً العزيز أحمد مطر .

http://www.mybiznas.com/s1/

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

للأسف مفيش موقع لتميم البرغوثى أو نجيب سرور أو وفاء بغدادى ولكنى سأنقلهم لكم هناا بإذن الله حبايبى الحلوين دول .

http://www.darlila.com/

لما يفتح تعالوا زورونا .

http://www.rewayatnet.net

برضوا لما يرجع روحوا زوروهم عشان انا واخدة اجازة .

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مش عشان رون وشو حاطين الوصله عندهم وعندى إحساس انه من طقوس البلوج انى احط الوصلة ديه ..بس عشان خاطر عيون

جيفارا - ها يا حسام جيفاراااااااا - وابنكم وابوكم واخوكم وغداكم وعشاكم حنظلة ..

ثورة ولو بالاشكال ....

اف كده بلا ارف

http://garad.blogspot.com/
ــــــــــــــــــــــــــــــــــــــــــــ

2006-04-10T11:56:00.000+02:00

بسم الله الرحمن الرحيم

كما هو موضح بالاعلى هذه المدونة صدفة بحتة وحى الان لا اعرف ماذا على ان اضع فيها .. ولكنى لن اترك مساحة باسمى فى اى مكان خالية من الكلام ..

عن جيفارا ابدأ الحديث ..

ليس فقط عنداً بحسام المايسترو الذى يرى جيفارا ديكتاتور يبحث عن الشهرة .. ولكن لأنى حقاً احترم هذا الرجل وبشدة .. ليس فقط لأيديلوجيته الانسانية التى انتهجها ولكن لإرادته وقوته التى مكنته من تحقيق ما اراد ..

جيفارا ليس ديكتاتور مدعى ولكنه انسان .. هذه هى ايديلوجيته .. الانسانية .. وحب الارض وليس الوطن .. ولكن الارض بكل مكان .

لم يستطع ان يتنزه فى الحدائق ويتغنى بالورود ويترك يده تستريح فى يد ناعمة رقيقة .. لم يستطع ان يتنزه فى العالم ويتغنى بالحرية وهو يعلم ان بمكان ما من نفس العالم الأنيق هذا .. تراق الدماء ويموت طفل كل طموحه وأحلامه تتمثل فى تحليق طائرته من فوق سطح ما ..هذا ما لم يتحمله تشى جيفارا ..

وإن كان هناك نوعاً ما من التسلط ظهر عليه فيما بعد فهذا أمر طبيعى جداً فلا تتخيل من قائد حرب ثورى ان يمر على رجال الجيش رجلاً رجلاً ليأخذ اراءهم فى خطة الحرب .. لابد من رجل تكون لديه الامكانية على اتخاذ قرار واحد من عدة قرارات واختيارات بلا تردد .. ولابد من رجل لديه قبضة حازمة للسيطرة على جيش من رجال الحرب والقتل والدمار ..

ابسط مثال لهذا فليجرب احد ان يخرج بمرافقة قطيع اطفال ( بريئين جداً ) قسماً ربما تحتاج الى صرامة اكثر من صرامة جيفار للسيطرة عليهم .. بل ربما تحتاج الى العقاب ايضاً ..

الثورة قوية كالفولاذ، حمراء كالجمر، باقية كالسنديان، عميقة كحبنا الوحشي للوطن.. إنني أحس على وجهي بألم كل صفعة تُوجّه إلى مظلوم في هذه الدنيا، فأينما وجد الظلم فذاك هو وطني"... تشي جيفارا

كان جيفارا رجلاً بكل العصور مثل رجالاً كُثر تركوا اسمائهم على النجوم ..
إحم .. إحم .. انظر يا جيفارا الى رجال هذا العصر كم هم شجاعنين و حلوين وجدعيين ...

لو سيبت يا جوجو صباع المحشى ده ممكن ادخلك بلد البنات بتأشيرة دايمة .

2006-04-09T23:54:00.000+02:00

بالصدفة مدونة
غريب انك تعمل مدونة بس عشان تعرف ترد على اصحابك .. خاصة ان لى
واحدة تانية انت اورريدى بتتعامل معها ... اعتقد انى سأجد شئ ما لهذه المدونة
لن اعجز عن الحديث ابداً